پاکستان وچ پچھلے ستر سالاں توں کوٹہ سسٹم دے ناں تے ھون آلی ناانصافی ھن کیوں ختم ھونی چائیدی اے ؟؟؟ پاکستان وچ باراں ۱۲ قوماں رہندیاں نیں ، پچھلے ستر سال دا رکارڈ چیک کرئیے تے اک پاسے ناانصافی دوجے پاسے اقربا پروری دا لمی داستان ملے گی , ھن ویلہ آگیا اے کہ یاں کوٹہ سسٹم ختم کردتا جاوے یاں فیر پاکستان دیاں ۱۲ قوماں دی آبادی دے حساب نال کوٹہ بنا دتا جائے . ستر سالاں دی ناانصافی تے اقربا پروری نوں سمجھن لئی اے ضروری اے کہ ماضی دے کوٹے دے ناں تے ھون آلے ڈرامے نوں اک واری ویکھ لیا جائے ، ۱۹۴۸ وچ پاکستان دے پہلے وزیراعظم لیاقت علی خان نیں کوٹہ سسٹم نافذ کیتا جہدا فارمولہ کج ایویں سی ، مشرقی پاکستان %۴۲ مغربی پاکستان %۵۸ مغربی پاکستان وچ صوبائی یاں علاقائی سطح تے کوٹے نوں مذید ونڈ دتا گیا پنجاب %۲۳ سندھ + بلوچستان + سرحد : %۱۷ اک بوھت ای عجیب کوٹہ ؛ ھندوستان توں ممکنہ طور تے آن والیاں لئی اونھاں دے آن توں پہلاں ای نوکریاں دا بندوبست کر دیاں %۱۷ کوٹہ ایڈوانس وچ رکھ دتا گیا تے کراچی لئی%۲ وکھ کوٹہ الاٹ کیتا گیا یعنی ٹوٹل %۱۷ پاکستان دی صرف %۳.۳ ھندوستانی مہاجر لئی تے سندھ بلوچستان تے سرحد تن صوبیاں دی %۲۰ آبادی لئی وی %۱۷ . ۱۹۴۹ نومبر وچ ممکنہ تارکین وطن دے اکھراں دی بجائے میرٹ دا نقاب چڑھا کے %۳ کوٹہ ھور ودھا کے %۲۰ کر دتا گیا یعنی «اندھا بانٹے ریوڑیاں اپنے اپنوں کو» ، کوٹہ دی شکل کج اے بن گئی ، میرٹ %۲۰ + مشرقی پاکستان %۴۰ + مغربی پاکستان %۴۰ جیس وچوں مغربی پاکستان وچ کوٹہ دی ونڈ کج ایس طراں کیتی گئی پنجاب ( بہاولپور سمیت) %۲۳ سندھ + بلوچستان + سرحد : %۱۵ کراچی لئی وکھ %۲ ، مطلب میرٹ %۲۰جمع کراچی %۲ =%۲۲ پورے پاکستان دی صرف %۳.۳ آبادی لئی ۱۹۵۶ وچ ایس کوٹے نوں آئینی تحفظ دے کے اینوں ۱۵ سالاں لئی پکا کر دتا گیا جہڑا ۱۹۷۱ تائیں چلنا سی پر ۱۹۶۲ دے آئین وچ ایہدی مدت ودھان لئی نواں حربہ آزماندیاں مدت نوں دس سال کر دتا گیا جیس دی وجہ توں کوٹہ دی معیاد اک سال ھور ودھ گئی یعنی ۱۹۷۱ دی بجائے ۱۹۷۲ ھو گئی ، ۱۹۵۱ دی آدم شماری مطابق متحدہ پاکستان دی کل آبادی ۷ کروڑ ۵۰ لکھ سی ( مغربی پاکستان ۳ کروڑ ۳۷ لکھ ۴۰ ہزار + مشرقی پاکستان ۴ کروڑ ۲۲ لکھ ۶۰ ہزار ) مغربی پاکستان دی ۳۳۷۴۰۱۶۷ آبادی دی صوبائی ونڈ کج ایس طراں سی ؛ پنجاب : %۶۰.۸۸ (۲۰۵۴۰۷۶۲ ,دیہی پنجاب %۸۲.۶۳ ، شھری پنجاب %۱۷.۳۷) سندھ : %۱۷.۹۲ (۶۰۴۷۷۴۸ ,دیہی سندھ %۷۰.۷۶ شھری سندھ %۲۹.۲۴) سرحد : %۱۳.۵۰ (۴۵۵۶۵۴۵, دیہی %۸۸.۹۲, شھری %۱۱.۰۸) بلوچستان : %۳.۴۶(۱۱۶۷۱۶۷) فاٹا : %۳.۹۵ (۱۳۳۲۰۰۵) ۱۹۷۱ بنگلہ دیش بنن توں باد ۱۹۷۲ وچ کوٹہ سسٹم ختم کرن دی بجائے موجودہ پاکستان لئی کج ایس طراں کر دتا گیا ؛ میرٹ : %۱۰ آزاد کشمیر : %۲ پنجاب : %۵۰(آبادی دا تناسب %۶۰.۸۸) سندھ : %۱۷.۵ آبادی دا تناسب %۱۹ سرحد :%۱۳.۵ آبادی دا تناسب %۱۱.۵ فاٹا : %۳.۹۵ آبادی دا تناسب %۴ بلوچستان : %۳.۴۶ آبادی دا تناسب %۳.۵ سندھ دے %۱۹ کوٹے نوں %۶۰دیہی %۴۰ شھری وچ ونڈیا گیا پورے پاکستان وچ اردو بولن آلے %۷.۶ نیں ، سندھ وچ %۱۹ نیں ۶۰/۴۰والے کوٹے دا فائدہ اردو بولن آلیاں نوں ھویا . لیاقت علی خان دا لاگو کیتا ھویا کوٹہ سسٹم ۲۵ سال سن ۱۹۷۲ تائیں ریا پنجاب نوں %۲۳ تے باقی صوبیاں نوں %۱۵ کوٹہ ملیا جد کہ اردو بولن والیاں نوں %۲۰ میرٹ تے %۲ کراچی دے ناں تے ٹوٹل %۲۲ دتا گیا مطلب پورے ملک دی کل آبادی دے %۷.۲ نوں %۲۲ اینوں کہندے نیں «بندر بانٹ» سونے تے سہاگہ پنجاب دے بہاول پور سمیت %۲۳ کوٹے دا وڈا حصہ تے باقی صوبیاں دے %۱۵ دا وی کافی حصہ اونھاں صوبیاں دے شھری علاقیاں وچ موجود مہاجراں نوں ملیا ، مطلب اردو بولن آلیاں دیاں پنجو گیو وچ تے سر کڑائی وچ ، ۱۹۴۷ توں ۱۹۵۸ تائیں مہاجر صرف %۳.۳ سن پر ملازمتاں %۷۰ توں %۸۰ ملیاں مطلب آپنی آبادی توں کئی سو گنا ملازمتاں ایناں نوں ملیاں ، کرسٹینا لیمب نیں %۴۰ جد کہ حسن عسکری سمیت کج دوجے تحقیق کرن آلیاں %۶۵ ملازمتاں اردو بولن آلیاں نوں ملن دا لکھیا ، ۱۹۴۷ وچ ٹوٹل ۹۸۰ ICS افیسر سن جناں چوں ۴۶۸ انگریز ، ۳۵۲ ھندو ، ۱۰۱ مسلمان ، ۲۵ ھندوستانی عیسائی ، ۱۳ پارسی ، ۱۰ سکھ ، ۵ اینگلو انڈین ، ۲ شودر ، ۴ دیگر قوماں دے سن . پاکستان بنن توں باد ۱۰۱ مسلمان افیسراں وچوں ۸۱ ICS آفیسر پاکستان آگئے . ۹۵ سینئر افسراں وچوں ۳۳ اردو بولن والے سن . ایس سارے منظر نامے توں علاوہ تسیں پاکستان تے حکومت کرن والے غیر پنجابی سول تے آمر حکمراناں دے دور ویکھو سبھ نیں لیاقت علی خان ونگوں کھل کے قوم پرستی کیتی آپنیاں قوماں دے مفاد لئی کھل کے دوجیاں دا حق ماریا کدی کسے نوں ناں اسلام یاد آیا ناں پاکستان دا ٹھیکہ ، ایوب دا پنجاب دے دریا ویچ کے صوبہ سرحد وچ ڈیم بنانا وی کسے نوں برا نئیں لگا ، بھٹو دا سندھ کارڈ وی تے غفار خان دی پشتون قوم پرستی وی ، مشرف دا کھل کے ایم کیو ایم دے مردہ جسم وچ جان پانا تے ۱۲ مئی والے سانحہ وچ کراچی نوں خون وچ نہوانا وی کسے نوی برا نئیں لگا ، بینظیر بھٹو تے زرداری نے کھل کے سندھ کارڈ استعمال کیتا پر کسے دے مونھ چوں اک اکھر نئیں نکلیا ، جد کہ فیروز خان نون توں لے کے ضیاء الحق ، نواز شریف باجوہ سمیت سارے پنجابی سول تے ملٹری لیڈر. باقی ساریاں دے مامے تے بن دے رئے پر پنجاب پنجابی لئی کج کرن دی توفیق نئیں ھوئی ایناں دیاں حکومتاں دے ناں تے پنجابیاں نوں گالاں تے الزام ای ملے فائدہ ٹکے دا نئیں ھویا. کھاندے لٹ دے کوئی ھور رئے تے الزام گالاں پنجابیاں نوں مل دیاں رئیاں ... «افضل پنجابی» پنجابی گریجویٹس فورم انٹرنیشنل.PGF Int #PGFInt
پاکستان وچ پچھلے ستر سالاں توں کوٹہ سسٹم دے ناں تے ھون آلی ناانصافی ھن کیوں ختم ھونی چائیدی اے ؟؟؟
پاکستان وچ باراں ۱۲ قوماں رہندیاں نیں ، پچھلے ستر سال دا رکارڈ چیک کرئیے تے اک پاسے ناانصافی دوجے پاسے اقربا پروری دا لمی داستان ملے گی , ھن ویلہ آگیا اے کہ یاں کوٹہ سسٹم ختم کردتا جاوے یاں فیر پاکستان دیاں ۱۲ قوماں دی آبادی دے حساب نال کوٹہ بنا دتا جائے .
ستر سالاں دی ناانصافی تے اقربا پروری نوں سمجھن لئی اے ضروری اے کہ ماضی دے کوٹے دے ناں تے ھون آلے ڈرامے نوں اک واری ویکھ لیا جائے ،
۱۹۴۸ وچ پاکستان دے پہلے وزیراعظم لیاقت علی خان نیں کوٹہ سسٹم نافذ کیتا جہدا فارمولہ کج ایویں سی ،
مشرقی پاکستان %۴۲
مغربی پاکستان %۵۸
مغربی پاکستان وچ صوبائی یاں علاقائی سطح تے کوٹے نوں مذید ونڈ دتا گیا
پنجاب %۲۳
سندھ + بلوچستان + سرحد : %۱۷
اک بوھت ای عجیب کوٹہ ؛
ھندوستان توں ممکنہ طور تے آن والیاں لئی اونھاں دے آن توں پہلاں ای نوکریاں دا بندوبست کر دیاں %۱۷ کوٹہ ایڈوانس وچ رکھ دتا گیا تے کراچی لئی%۲ وکھ کوٹہ الاٹ کیتا گیا یعنی ٹوٹل %۱۷ پاکستان دی صرف %۳.۳ ھندوستانی مہاجر لئی تے سندھ بلوچستان تے سرحد تن صوبیاں دی %۲۰ آبادی لئی وی %۱۷ .
۱۹۴۹ نومبر وچ ممکنہ تارکین وطن دے اکھراں دی بجائے میرٹ دا نقاب چڑھا کے %۳ کوٹہ ھور ودھا کے %۲۰ کر دتا گیا
یعنی «اندھا بانٹے ریوڑیاں اپنے اپنوں کو» ، کوٹہ دی شکل کج اے بن گئی ،
میرٹ %۲۰ + مشرقی پاکستان %۴۰ + مغربی پاکستان %۴۰
جیس وچوں مغربی پاکستان وچ کوٹہ دی ونڈ کج ایس طراں کیتی گئی
پنجاب ( بہاولپور سمیت) %۲۳
سندھ + بلوچستان + سرحد : %۱۵
کراچی لئی وکھ %۲ ، مطلب میرٹ %۲۰جمع کراچی %۲ =%۲۲ پورے پاکستان دی صرف %۳.۳ آبادی لئی
۱۹۵۶ وچ ایس کوٹے نوں آئینی تحفظ دے کے اینوں ۱۵ سالاں لئی پکا کر دتا گیا جہڑا ۱۹۷۱ تائیں چلنا سی پر ۱۹۶۲ دے آئین وچ ایہدی مدت ودھان لئی نواں حربہ آزماندیاں مدت نوں دس سال کر دتا گیا جیس دی وجہ توں کوٹہ دی معیاد اک سال ھور ودھ گئی یعنی ۱۹۷۱ دی بجائے ۱۹۷۲ ھو گئی ،
۱۹۵۱ دی آدم شماری مطابق متحدہ پاکستان دی کل آبادی ۷ کروڑ ۵۰ لکھ سی ( مغربی پاکستان ۳ کروڑ ۳۷ لکھ ۴۰ ہزار + مشرقی پاکستان ۴ کروڑ ۲۲ لکھ ۶۰ ہزار )
مغربی پاکستان دی ۳۳۷۴۰۱۶۷ آبادی دی صوبائی ونڈ کج ایس طراں سی ؛
پنجاب : %۶۰.۸۸ (۲۰۵۴۰۷۶۲ ,دیہی پنجاب %۸۲.۶۳ ، شھری پنجاب %۱۷.۳۷)
سندھ : %۱۷.۹۲ (۶۰۴۷۷۴۸ ,دیہی سندھ %۷۰.۷۶ شھری سندھ %۲۹.۲۴)
سرحد : %۱۳.۵۰ (۴۵۵۶۵۴۵, دیہی %۸۸.۹۲, شھری %۱۱.۰۸)
بلوچستان : %۳.۴۶(۱۱۶۷۱۶۷)
فاٹا : %۳.۹۵ (۱۳۳۲۰۰۵)
۱۹۷۱ بنگلہ دیش بنن توں باد ۱۹۷۲ وچ کوٹہ سسٹم ختم کرن دی بجائے موجودہ پاکستان لئی کج ایس طراں کر دتا گیا ؛
میرٹ : %۱۰
آزاد کشمیر : %۲
پنجاب : %۵۰(آبادی دا تناسب %۶۰.۸۸)
سندھ : %۱۷.۵ آبادی دا تناسب %۱۹
سرحد :%۱۳.۵ آبادی دا تناسب %۱۱.۵
فاٹا : %۳.۹۵ آبادی دا تناسب %۴
بلوچستان : %۳.۴۶ آبادی دا تناسب %۳.۵
سندھ دے %۱۹ کوٹے نوں %۶۰دیہی %۴۰ شھری وچ ونڈیا گیا
پورے پاکستان وچ اردو بولن آلے %۷.۶ نیں ، سندھ وچ %۱۹ نیں ۶۰/۴۰والے کوٹے دا فائدہ اردو بولن آلیاں نوں ھویا .
لیاقت علی خان دا لاگو کیتا ھویا کوٹہ سسٹم ۲۵ سال سن ۱۹۷۲ تائیں ریا پنجاب نوں %۲۳ تے باقی صوبیاں نوں %۱۵ کوٹہ ملیا جد کہ اردو بولن والیاں نوں %۲۰ میرٹ تے %۲ کراچی دے ناں تے ٹوٹل %۲۲ دتا گیا مطلب پورے ملک دی کل آبادی دے %۷.۲ نوں %۲۲ اینوں کہندے نیں «بندر بانٹ»
سونے تے سہاگہ پنجاب دے بہاول پور سمیت %۲۳ کوٹے دا وڈا حصہ تے باقی صوبیاں دے %۱۵ دا وی کافی حصہ اونھاں صوبیاں دے شھری علاقیاں وچ موجود مہاجراں نوں ملیا ، مطلب اردو بولن آلیاں دیاں پنجو گیو وچ تے سر کڑائی وچ ،
۱۹۴۷ توں ۱۹۵۸ تائیں مہاجر صرف %۳.۳ سن پر ملازمتاں %۷۰ توں %۸۰ ملیاں مطلب آپنی آبادی توں کئی سو گنا ملازمتاں ایناں نوں ملیاں ،
کرسٹینا لیمب نیں %۴۰ جد کہ حسن عسکری سمیت کج دوجے تحقیق کرن آلیاں %۶۵ ملازمتاں اردو بولن آلیاں نوں ملن دا لکھیا ،
۱۹۴۷ وچ ٹوٹل ۹۸۰ ICS افیسر سن جناں چوں ۴۶۸ انگریز ، ۳۵۲ ھندو ، ۱۰۱ مسلمان ، ۲۵ ھندوستانی عیسائی ، ۱۳ پارسی ، ۱۰ سکھ ، ۵ اینگلو انڈین ، ۲ شودر ، ۴ دیگر قوماں دے سن .
پاکستان بنن توں باد ۱۰۱ مسلمان افیسراں وچوں ۸۱ ICS آفیسر پاکستان آگئے . ۹۵ سینئر افسراں وچوں ۳۳ اردو بولن والے سن .
ایس سارے منظر نامے توں علاوہ تسیں پاکستان تے حکومت کرن والے غیر پنجابی سول تے آمر حکمراناں دے دور ویکھو سبھ نیں لیاقت علی خان ونگوں کھل کے قوم پرستی کیتی آپنیاں قوماں دے مفاد لئی کھل کے دوجیاں دا حق ماریا کدی کسے نوں ناں اسلام یاد آیا ناں پاکستان دا ٹھیکہ ، ایوب دا پنجاب دے دریا ویچ کے صوبہ سرحد وچ ڈیم بنانا وی کسے نوں برا نئیں لگا ، بھٹو دا سندھ کارڈ وی تے غفار خان دی پشتون قوم پرستی وی ، مشرف دا کھل کے ایم کیو ایم دے مردہ جسم وچ جان پانا تے ۱۲ مئی والے سانحہ وچ کراچی نوں خون وچ نہوانا وی کسے نوی برا نئیں لگا ، بینظیر بھٹو تے زرداری نے کھل کے سندھ کارڈ استعمال کیتا پر کسے دے مونھ چوں اک اکھر نئیں نکلیا ،
جد کہ فیروز خان نون توں لے کے ضیاء الحق ، نواز شریف باجوہ سمیت سارے پنجابی سول تے ملٹری لیڈر. باقی ساریاں دے مامے تے بن دے رئے پر پنجاب پنجابی لئی کج کرن دی توفیق نئیں ھوئی ایناں دیاں حکومتاں دے ناں تے پنجابیاں نوں گالاں تے الزام ای ملے فائدہ ٹکے دا نئیں ھویا.
کھاندے لٹ دے کوئی ھور رئے تے الزام گالاں پنجابیاں نوں مل دیاں رئیاں ...
«افضل پنجابی»
پنجابی گریجویٹس فورم انٹرنیشنل.PGF Int
#PGFInt
Comments
Post a Comment