ہر آنڈے دے وڈے گول سرے وچ رب سوہنے نیں ھوا/آکسیجن دا اک بلبلہ/نکا جیہا گولہ رکھیا اے ، آنڈیاں تے بیٹھی ککڑی ایس سرے نوں اوپر نوں کر دی رہندی اے کیوں جے چوچے دا مونھ ایس چوڑے/ وڈے حصے ول بن دا اے ، جد چوچا پورے دناں دا ھو جاندا اے تے او ایسے بلبلے/ گولے چوں آکسیجن لے کے ساہ لیندا اے ، چوچے کول ایس آکسیجن دے بلبلے دے مکن توں پہلاں آنڈے دا چھلکا توڑ کے بار آن دا ای سما/ویلہ ھوندا اے جے او چھلکا ناں توڑ سکے تے ماں/ککڑی نوں ترلا چوں چوں کرکے کردا اے تے ککڑی آپنی چونج نال اوس حصے وچ موری کر دیندی اے تے چوچا آنڈے توں بار آ جاندا اے جتھے آکسیجن دا دریا/سمندر اونھوں مل جاندا اے ، جے چوچا آنڈے اندر موجود تھوڑی جئی آکسیجن نوں ای حیاتی سمجھ کے آنڈا توڑن دی ھمت ناں کرے تے آنڈے دے اندر ای مر جائے جداں کئی چوچے آنڈے دے اندر ای مر جاندے نیں ناں او بار آن لئی آنڈا توڑ دے نیں تے ناں ای ماں/ککڑی نوں واج دے کے مدد منگ دے نیں تے اندر ای مر مک جاندے نیں . اھم نکتہ اے وے کہ چوچے نوں آنڈے دے اندروں آزاد ھون لئی چھلکا/خول توڑنا یاں ماں اگے فریاد کرنا یاں مدد منگنا بوھت ضروری اے . ایس گل توں انسان لئی سبق اے وے کہ ایس فانی حیاتی دے مکن/ختم ھون توں پہلاں آپنے ایمان دی طاقت نال آپنے نفس دے خول/پنجرے توں آزاد ھو جائے ، ستر مانواں توں ودھ پیار کرن والے ربّ سوہنے توں مدد منگے/ فریاد کرے تے آخرت دی ابدی حیاتی نوں امن چین سکون نال گزارن لئی عذاب سزا توں بچا لووے . پنجابیاں خاص کرکے پنجاب دے پنجابیاں لئی ایس نقطے وچ اے سبق اے کہ ؛ ایس توں پہلاں کہ پنجابی شناخت ، ماں بولی رہتل لئی اٹھن والی پنجابی قوم پرستی دی لہر دا آکسیجن مک جائے یاں مکا دتا جائے سارے پنجابی آپنی شناخت تے دھرتی بچان لئی اؤپری بولی رہتل دی ذہنی غلامی جعلی دھرمی تے ملکی چورن دے خول نوں توڑ کے بار نکلن تے آپنی تے آپنیاں آن والیاں نسلاں نوں قومی شعوری موت توں بچن تے بچان، رب سوہنے ولوں دتے گئے اسلام قرآن دی تلیم توں ہٹ کے آپنی دکانداری چلان لئی گمراہ کرن والے ناں دے مولویاں توں جان چھڑان ، اونھاں دے بنائے ھوئے جعلی دھرمی خول توں بار نکل کے اصلی تے خالص دھرم قرآن تے سنت نبی کریم صلی اللہ علیہ و آلہ وسلم دی حیات مبارکہ نوں پڑھ کے اوس مطابق حیاتی گزارن ، ایس کم لئی رب سوہنے اگے فریاد کرنا تے آپ ھمت کرنا بوھت ضروری اے ... «افضل پنجابی» *پنجابی گریجویٹس فورم انٹرنیشنل.PGF Int*
ہر آنڈے دے وڈے گول سرے وچ رب سوہنے نیں ھوا/آکسیجن دا اک بلبلہ/نکا جیہا گولہ رکھیا اے ، آنڈیاں تے بیٹھی ککڑی ایس سرے نوں اوپر نوں کر دی رہندی اے کیوں جے چوچے دا مونھ ایس چوڑے/ وڈے حصے ول بن دا اے ، جد چوچا پورے دناں دا ھو جاندا اے تے او ایسے بلبلے/ گولے چوں آکسیجن لے کے ساہ لیندا اے ، چوچے کول ایس آکسیجن دے بلبلے دے مکن توں پہلاں آنڈے دا چھلکا توڑ کے بار آن دا ای سما/ویلہ ھوندا اے جے او چھلکا ناں توڑ سکے تے ماں/ککڑی نوں ترلا چوں چوں کرکے کردا اے تے ککڑی آپنی چونج نال اوس حصے وچ موری کر دیندی اے تے چوچا آنڈے توں بار آ جاندا اے جتھے آکسیجن دا دریا/سمندر اونھوں مل جاندا اے ،
جے چوچا آنڈے اندر موجود تھوڑی جئی آکسیجن نوں ای حیاتی سمجھ کے آنڈا توڑن دی ھمت ناں کرے تے آنڈے دے اندر ای مر جائے جداں کئی چوچے آنڈے دے اندر ای مر جاندے نیں ناں او بار آن لئی آنڈا توڑ دے نیں تے ناں ای ماں/ککڑی نوں واج دے کے مدد منگ دے نیں تے اندر ای مر مک جاندے نیں .
اھم نکتہ اے وے کہ چوچے نوں آنڈے دے اندروں آزاد ھون لئی چھلکا/خول توڑنا یاں ماں اگے فریاد کرنا یاں مدد منگنا بوھت ضروری اے .
ایس گل توں انسان لئی سبق اے وے کہ ایس فانی حیاتی دے مکن/ختم ھون توں پہلاں آپنے ایمان دی طاقت نال آپنے نفس دے خول/پنجرے توں آزاد ھو جائے ، ستر مانواں توں ودھ پیار کرن والے ربّ سوہنے توں مدد منگے/ فریاد کرے تے آخرت دی ابدی حیاتی نوں امن چین سکون نال گزارن لئی عذاب سزا توں بچا لووے .
پنجابیاں خاص کرکے پنجاب دے پنجابیاں لئی ایس نقطے وچ اے سبق اے کہ ؛
ایس توں پہلاں کہ پنجابی شناخت ، ماں بولی رہتل لئی اٹھن والی پنجابی قوم پرستی دی لہر دا آکسیجن مک جائے یاں مکا دتا جائے سارے پنجابی آپنی شناخت تے دھرتی بچان لئی اؤپری بولی رہتل دی ذہنی غلامی جعلی دھرمی تے ملکی چورن دے خول نوں توڑ کے بار نکلن تے آپنی تے آپنیاں آن والیاں نسلاں نوں قومی شعوری موت توں بچن تے بچان،
رب سوہنے ولوں دتے گئے اسلام قرآن دی تلیم توں ہٹ کے آپنی دکانداری چلان لئی گمراہ کرن والے ناں دے مولویاں توں جان چھڑان ،
اونھاں دے بنائے ھوئے جعلی دھرمی خول توں بار نکل کے اصلی تے خالص دھرم قرآن تے سنت نبی کریم صلی اللہ علیہ و آلہ وسلم دی حیات مبارکہ نوں پڑھ کے اوس مطابق حیاتی گزارن ،
ایس کم لئی رب سوہنے اگے فریاد کرنا تے آپ ھمت کرنا بوھت ضروری اے ...
«افضل پنجابی»
*پنجابی گریجویٹس فورم انٹرنیشنل.PGF Int*
Comments
Post a Comment