سیاسی قیادت توں محروم قوم نوں پیڑھ بکریاں کیوں آکھیا جاندا اے ؟؟؟ پاکستان دی تریخ نوں ویکھئے تے پتہ چلدا اے کہ پاکستان بنن توں باد پاکستان وچ وسن آلیاں ساریاں قوماں سمیت سن ۵۰ توں باد آن والے یو پی سی پی والیاں نوں تے سیاسی قیادت /لیڈر شپ ملی پر صرف پنجابی قوم ۲۰ لکھ جاناں قربان کرکے تے ۲ کروڑ اجڑ کے وی سیاسی قیادت تے لیڈر شپ توں محروم رئے تے پیڑھ بکریاں وانگ کدی کسے قوم دے لیڈر پچھے تے کدی کسے قوم دے لیڈر نوں آپنا آگو سوجھوان من کے چل دے رئے تے سیاسی سماجی طور کمزور توں کمزور ھوندے گئے، پنجاب دے ذیلی صوبے سرحد وچ ھندکو پنجابی پشتوناں نوں آپنا لیڈر من کے اقلیت بن گئے شناخت خطرے وچ پا لئی تے آپنی دھرتی تے غیراں / اقلیت دے محکوم ھو گئے ، ایسے طراں پنجاب دے پنجابی نال وی ھویا اکثریت وچ ھون دے باوجود سیاسی قیادت ناں ھون دے کرکے پنجاب پنجابی دی قسمت تے مستقبل دے فیصلے بوھتا کرکے غیر پنجابی کر دے رئے تے اج پنجاب دے پنجابی آپنی ماں بولی وچ تلیم توں محرومی تے آپنی رہتل دی بیقدری برداشت کر رئے نیں ، سندھ دے سماٹ تے بلوچستان دے براہوی نال وی ایہو ای ہتھ ھویا پر سماٹ تے براہوی دے سیاسی تے قومی شعور نیں اونھاں نوں کسے حد تائیں سیاسی قیادت دتی پر وقت دے نال اے قیادت اک خاندان تائیں محدود ھو کے قیادت دی بجائے زحمت بن گئی ، ایسے لئی آکھیا جاندا اے کہ سیاسی لیڈر شپ/قیادت توں بغیر قوماں پیڑھ بکریاں دا اجڑ ھوندا اے، اج پاکستان وچ سیاسی قیادت دی سبھ توں بوھتی لوڑ پنجابی قوم نوں اے جے پنجابیاں آپنی سیاسی قیادت/لیڈر شپ پیدا ناں کیتی تے فیر آپنی شناخت تے آن والیاں نسلاں دا مستقبل وی گوا بیٹھن گے .. «افضل پنجابی» *پنجابی گریجویٹس فورم انٹرنیشنل.PGF Int*
سیاسی قیادت توں محروم قوم نوں پیڑھ بکریاں کیوں آکھیا جاندا اے ؟؟؟
پاکستان دی تریخ نوں ویکھئے تے پتہ چلدا اے کہ پاکستان بنن توں باد پاکستان وچ وسن آلیاں ساریاں قوماں سمیت سن ۵۰ توں باد آن والے یو پی سی پی والیاں نوں تے سیاسی قیادت /لیڈر شپ ملی پر صرف پنجابی قوم ۲۰ لکھ جاناں قربان کرکے تے ۲ کروڑ اجڑ کے وی سیاسی قیادت تے لیڈر شپ توں محروم رئے تے پیڑھ بکریاں وانگ کدی کسے قوم دے لیڈر پچھے تے کدی کسے قوم دے لیڈر نوں آپنا آگو سوجھوان من کے چل دے رئے تے سیاسی سماجی طور کمزور توں کمزور ھوندے گئے،
پنجاب دے ذیلی صوبے سرحد وچ ھندکو پنجابی پشتوناں نوں آپنا لیڈر من کے اقلیت بن گئے شناخت خطرے وچ پا لئی تے آپنی دھرتی تے غیراں / اقلیت دے محکوم ھو گئے ،
ایسے طراں پنجاب دے پنجابی نال وی ھویا اکثریت وچ ھون دے باوجود سیاسی قیادت ناں ھون دے کرکے پنجاب پنجابی دی قسمت تے مستقبل دے فیصلے بوھتا کرکے غیر پنجابی کر دے رئے تے اج پنجاب دے پنجابی آپنی ماں بولی وچ تلیم توں محرومی تے آپنی رہتل دی بیقدری برداشت کر رئے نیں ،
سندھ دے سماٹ تے بلوچستان دے براہوی نال وی ایہو ای ہتھ ھویا پر سماٹ تے براہوی دے سیاسی تے قومی شعور نیں اونھاں نوں کسے حد تائیں سیاسی قیادت دتی پر وقت دے نال اے قیادت اک خاندان تائیں محدود ھو کے قیادت دی بجائے زحمت بن گئی ، ایسے لئی آکھیا جاندا اے کہ سیاسی لیڈر شپ/قیادت توں بغیر قوماں پیڑھ بکریاں دا اجڑ ھوندا اے،
اج پاکستان وچ سیاسی قیادت دی سبھ توں بوھتی لوڑ پنجابی قوم نوں اے جے پنجابیاں آپنی سیاسی قیادت/لیڈر شپ پیدا ناں کیتی تے فیر آپنی شناخت تے آن والیاں نسلاں دا مستقبل وی گوا بیٹھن گے ..
«افضل پنجابی»
*پنجابی گریجویٹس فورم انٹرنیشنل.PGF Int*
Comments
Post a Comment