رامائن ، مہا بھارت تے کجھ ھور سنسکرت کتاباں وچ پنجاب لئی پنجند دا لفظ ورتیا گیا ھے اشٹادھیائی جیہڑی پاننی دی تخلیق تے سنسکرت گرامر دی پہلی کتاب اے دی شرح کردیاں ایس سی واسو نے کونن دے حوالے نال کردیاں ہوئیآں دسیا ھے کہ فلاں گرامر دا اصول پنجاب تے لاگو نہیں ھوندا ۔ کونن کدوں جیوندا سی ؟ تاریخ چپ اے ۔ کتھا سرت ساگر ۔ ایہہ کتاب کشمیری پنڈت سوم دیو نے 12 ویں صدی وچ لکھی ایس دی کہانی نمبر 12 دی 5 ویں ترنگ وچ پنجاب لئی پنجاب دا لفظ ورتیا گیا ھے ۔ شاہ نعمت اللہ ولی دیاں پیشین گوئیاں مشہور ہین پنجاب بارے کجھ شعر ویکھو : از قلب پنج آبے خارج شوند ناری قبضہ کنند مسلم ، بر ملک غاصبانہ ایہ پیشین گوئیاں شاہ نعمت اللہ ولی نے 1152 وچ کیتیاں سن ۔ شہاب الدین غوری نے 1193 وچ ہندوستان دے ہندو راجیاں نوں اک چٹھی وچ لکھیا " باشما صلح کنیم کہ سرہند ، پنجاب و ملتان با ما باشد و باقی ممالک ہندوستان باشما " ایہہ الفاظ تاریخ فرشتہ وچ لکھے گئے ہن ایویں جاپدا اے کہ ایہ شہاب الدین غوری دے اپنے الفاظ ہین ۔ فرشتہ دی تاریخ پیدائش 1552 ھے ۔ طبقاتِ ناصری منہاج السراج 1266 ۔1193 نے لکھیا ہے "کچھ مدت بعد یلدوز کی سلطان قطب الدین ایبک سے حدودِ پنجاب و سندھ میں جنگ ہوئی ۔ مفتاح الفتوح ۔ امیر خسرو (1325 ۔1253) نے لکھیا ھے کہ جلال الدین نے پنجاب دے سارے دریاواں تے خون دی ھولی کھیڈی ۔ عجائب الاسفار ۔ ابنِ بطوطہ 1333 ۔ 1342 تائیں ہندوستان وچ رہیا اوہنے اپنے سفرنامے وچ لکھیا ھے کہ 12 ستمبر 1333 نوں اسیں دریائے سندھ اپڑے ایس نوں پنجاب وی آکھیا ویندا ھے ۔ تزک تیموری ۔ امیر تیمور (جمن 1335) نے لکھیا ھے ایہ سارے دریا (جہلم ، چناب ، ستلج ، راوی بیاس ، سندھ ) رل کے سندھ جاں پنجاب اکھواندے ہین ۔ تاریخ مبارک شاہی ۔ ایہ تاریخ یحیٰی بن احمد سرہندی نے 1434 وچ لکھی او اک جگہ لکھدا ھے " دریائے پنجاب میں کود گیا " جمال الدین ابابکر آگروی نے چوہڑ شاہ بندگی (مرن : 1504) بارے اپنی کتاب "تذکرہءقطبیہ" (صفحہ 41) وچ لکھیا ھے " بعد ازاں ملک شرق را اللہ تعالیٰ از مقربان سلطان سکندر (لودھی) کرود صاحب صوبہ پنجاب گشت " ایہ تذکرہ 1540توں 1545 وچکار لکھیا گیا ۔ تاریخِ شیرشاہی : ایہ کتاب شیر شاہ سوری بارے ھے لکھیار عباس خاں سروانی (مرن :1586) نے لکھیا ھے " در ملک پنجاب خودساختہ بود تا شہرسنار گاؤں کہ در ملک بنگالہ ۔۔۔۔ اک ھور تھاں لکھیا ھے " خواص خاں ، عیسیٰ خاں نیازی و حبیب خاں طلبیدہ و بر ملک پنجاب ہیبت خاں نیازی را مقرر ساخت۔۔۔۔۔ ایہ سب حوالے ہمایوں توں پہلاں دے نیں اوس توں بعد دے حوالے وی موجود نیں پر چونکہ لغاری صاحب دا فرمانا سی کہ پنجاب ناں ہمایوں دور وچ پہلی واری ورتیا گیا ایس لئی ایتنا ہی کافی ھے (آصف خان) Kashif Hussain #PGFInt
رامائن ، مہا بھارت تے کجھ ھور سنسکرت کتاباں وچ پنجاب لئی پنجند دا لفظ ورتیا گیا ھے
اشٹادھیائی جیہڑی پاننی دی تخلیق تے سنسکرت گرامر دی پہلی کتاب اے دی شرح کردیاں ایس سی واسو نے کونن دے حوالے نال کردیاں ہوئیآں دسیا ھے کہ فلاں گرامر دا اصول پنجاب تے لاگو نہیں ھوندا ۔ کونن کدوں جیوندا سی ؟ تاریخ چپ اے ۔
کتھا سرت ساگر ۔ ایہہ کتاب کشمیری پنڈت سوم دیو نے 12 ویں صدی وچ لکھی ایس دی کہانی نمبر 12 دی 5 ویں ترنگ وچ پنجاب لئی پنجاب دا لفظ ورتیا گیا ھے ۔
شاہ نعمت اللہ ولی دیاں پیشین گوئیاں مشہور ہین پنجاب بارے کجھ شعر ویکھو :
از قلب پنج آبے خارج شوند ناری
قبضہ کنند مسلم ، بر ملک غاصبانہ
ایہ پیشین گوئیاں شاہ نعمت اللہ ولی نے 1152 وچ کیتیاں سن ۔
شہاب الدین غوری نے 1193 وچ ہندوستان دے ہندو راجیاں نوں اک چٹھی وچ لکھیا " باشما صلح کنیم کہ سرہند ، پنجاب و ملتان با ما باشد و باقی ممالک ہندوستان باشما " ایہہ الفاظ تاریخ فرشتہ وچ لکھے گئے ہن ایویں جاپدا اے کہ ایہ شہاب الدین غوری دے اپنے الفاظ ہین ۔
فرشتہ دی تاریخ پیدائش 1552 ھے ۔
طبقاتِ ناصری منہاج السراج 1266 ۔1193 نے لکھیا ہے "کچھ مدت بعد یلدوز کی سلطان قطب الدین ایبک سے حدودِ پنجاب و سندھ میں جنگ ہوئی ۔
مفتاح الفتوح ۔ امیر خسرو (1325 ۔1253) نے لکھیا ھے کہ جلال الدین نے پنجاب دے سارے دریاواں تے خون دی ھولی کھیڈی ۔
عجائب الاسفار ۔ ابنِ بطوطہ 1333 ۔ 1342 تائیں ہندوستان وچ رہیا اوہنے اپنے سفرنامے وچ لکھیا ھے کہ 12 ستمبر 1333 نوں اسیں دریائے سندھ اپڑے ایس نوں پنجاب وی آکھیا ویندا ھے ۔
تزک تیموری ۔ امیر تیمور (جمن 1335) نے لکھیا ھے ایہ سارے دریا (جہلم ، چناب ، ستلج ، راوی بیاس ، سندھ ) رل کے سندھ جاں پنجاب اکھواندے ہین ۔
تاریخ مبارک شاہی ۔ ایہ تاریخ یحیٰی بن احمد سرہندی نے 1434 وچ لکھی او اک جگہ لکھدا ھے " دریائے پنجاب میں کود گیا "
جمال الدین ابابکر آگروی نے چوہڑ شاہ بندگی (مرن : 1504)
بارے اپنی کتاب "تذکرہءقطبیہ" (صفحہ 41) وچ لکھیا ھے " بعد ازاں ملک شرق را اللہ تعالیٰ از مقربان سلطان سکندر (لودھی) کرود صاحب صوبہ پنجاب گشت " ایہ تذکرہ 1540توں 1545 وچکار لکھیا گیا ۔
تاریخِ شیرشاہی : ایہ کتاب شیر شاہ سوری بارے ھے لکھیار عباس خاں سروانی (مرن :1586) نے لکھیا ھے " در ملک پنجاب خودساختہ بود تا شہرسنار گاؤں کہ در ملک بنگالہ ۔۔۔۔
اک ھور تھاں لکھیا ھے " خواص خاں ، عیسیٰ خاں نیازی و حبیب خاں طلبیدہ و بر ملک پنجاب ہیبت خاں نیازی را مقرر ساخت۔۔۔۔۔
ایہ سب حوالے ہمایوں توں پہلاں دے نیں اوس توں بعد دے حوالے وی موجود نیں پر چونکہ لغاری صاحب دا فرمانا سی کہ پنجاب ناں ہمایوں دور وچ پہلی واری ورتیا گیا ایس لئی ایتنا ہی کافی ھے
(آصف خان)
Kashif Hussain
#PGFInt
Comments
Post a Comment