اج 16 مارچ 2021 نوں پنجاب (لہندے پنجاب) دے شہر جموں نوں پنجاب توں علیحدہ ہوئے 175 سال (پونے دو صدیاں) ہو گئیاں نیں ۔ برطانوی سامراج نے پنجاب دشمن معاہدہ امبرسر والے ڈرامے دے ذریعے 16 مارچ 1846 نوں پنجاب دے دو جڑواں شہراں جموں تے سیالکوٹ وچ لائن کِھچ کے تقسیم کر دتا ۔ پنجاب دا جموں والا علاقہ علیحدہ کر کے کشمیر نال رلا کے اک نویں ریاست قائم کردتی ۔ ریاست دا نام ریاست جموں و کشمیر رکھ دتا ۔ گلگت بلتستان ، 1947 نوں کشمیر توں چھٹکارا حاصل کر کے اپنی شناخت بحال کر چکیا اے ۔ کشمیر سمیت جموں تے لداخ اُتے گنگا جمنی ہندوستانی استعمار نے قبضہ جمایا ہویا اے ۔ جناح تے لیاقت علی خان نے کم فہمی ، عدم سیاسی بصیرت تے جغرافیائی پوزیشن توں نابلد ہون دی وجہ توں ایس علاقے دی آزادی اُتے پیشگی اقدامات نئیں کیتے ۔ شاطر کانگریسی قیادت دے برعکس ایہناں دا سارا دھیان جغرافیائی سالمیت اُتے غور و فکر کرن دی بجائے اقتدار اُتے مرکوز سی چاہے نامکمل مُلک ای لبھ جاوے ۔ جموں نوں پنجاب پاکستان وچ شامل کرن دا صحیح ویلا 1947 سی ۔ جموں دی اک صدی دی غلامی ختم کیتی جاسکدی سی ۔ جموں دا علاقہ تاں واگزار نئیں کروایا لیکن جموں دے پنجابی مسلماناں دا قتل عام ہویا تے بہت سارے جموں وال پنجابی مسلمان لہندے پنجاب دے ضلعےآں سیالکوٹ ، گجرانوالا تے آلے دوالے دے علاقے وچ پناہ لین تے مجبور ہو گئے ۔ ہُن سیالکوٹ (مغربی پنجاب) تے جموں (جموں ریجن) دے درمیان وچ قائم سرحدی لکیر نوں ورکنگ باؤنڈری کہیا جاندا اے ۔ پاکستان ایہنوں عالمی بارڈر تسلیم نئیں کردا ۔ بحیثیت پنجابی پاکستانی سانوں امید اے کہ بہت جلد ضلع جموں ، ضلع کٹھوعا ، ضلع سامبا ، ضلع ریاسی ، ضلع اودھم پور اُتے مشتمل جموں ریجن واپس پاکستان پنجاب دا حصہ ہوئے گا ، چناب تے راوی دریاواں دا منبع پنجاب کول واپس آئے گا ۔ ایہہ اوہ علاقہ اے جتھے خالص پنجابی بولی جاندی اے تے ذات برادریاں وی پنجابی نیں جیہناں وچ گجر ، جٹ ، راجپوت وغیرہ شامل نیں ۔ ضلع راجوری ، ضلع پونچھ تے پاکستانی آزاد کشمیر وچ پہاڑی پوٹھوہاری لہجہ بولیا جاندا اے ۔ ایہناں نوں کشمیری بنن دا خبط سوار اے ۔ آزاد کشمیر دے راولا کوٹ ، باغ ، پلندری ، کوٹلی ، مظفرآباد ، مقبوضہ کشمیر دے ضلع پونچھ تے ضلع راجوری نوں پنجابی دی بجائے پہاڑی پوٹھوہاری لہجے نوں پنجابی توں وکھ رکھن دا تے کشمیری کہلاؤن دا کیڑا اے ۔ لیکن جموں ریجن تے آزاد کشمیر دے دو ضلعے بھمبر تے میرپور خالصتاً پنجابی علاقہ اے ۔ بھمبر تے میرپور دا تعلق ضلع جہلم تے ضلع گجرات نال اے ۔ زیادہ تر جٹ برادری اے ۔ جموں دا تعلق سیالکوٹ تے گجرانوالا نال اے ۔ (کاپی) *Copied* *PNF SINDH*

 اج 16 مارچ 2021 نوں پنجاب (لہندے پنجاب) دے شہر جموں نوں پنجاب توں علیحدہ ہوئے 175 سال (پونے دو صدیاں) ہو گئیاں نیں ۔

برطانوی سامراج نے پنجاب دشمن معاہدہ امبرسر والے ڈرامے دے ذریعے 16 مارچ 1846 نوں پنجاب دے دو جڑواں شہراں جموں تے سیالکوٹ وچ لائن کِھچ کے تقسیم کر دتا ۔ 

پنجاب دا جموں والا علاقہ علیحدہ کر کے کشمیر نال رلا کے اک نویں ریاست قائم کردتی ۔ ریاست دا نام ریاست جموں و کشمیر رکھ دتا ۔

گلگت بلتستان ، 1947 نوں کشمیر توں چھٹکارا حاصل کر کے اپنی شناخت بحال کر چکیا اے ۔

کشمیر سمیت جموں تے لداخ اُتے گنگا جمنی ہندوستانی استعمار نے قبضہ جمایا ہویا اے ۔

جناح تے لیاقت علی خان نے کم فہمی ، عدم سیاسی بصیرت تے جغرافیائی پوزیشن توں نابلد ہون دی وجہ توں ایس علاقے دی آزادی اُتے پیشگی اقدامات نئیں کیتے ۔ 

شاطر کانگریسی قیادت دے برعکس ایہناں دا سارا دھیان جغرافیائی سالمیت اُتے غور و فکر کرن دی بجائے اقتدار اُتے مرکوز سی چاہے نامکمل مُلک ای لبھ جاوے ۔

جموں نوں پنجاب پاکستان وچ شامل کرن دا صحیح ویلا 1947 سی ۔ جموں دی اک صدی دی غلامی ختم کیتی جاسکدی سی ۔ 

جموں دا علاقہ تاں واگزار نئیں کروایا لیکن جموں دے پنجابی مسلماناں دا قتل عام ہویا تے بہت سارے جموں وال پنجابی مسلمان لہندے پنجاب دے ضلعےآں سیالکوٹ ، گجرانوالا تے آلے دوالے دے علاقے وچ پناہ لین تے مجبور ہو گئے ۔ 

ہُن سیالکوٹ (مغربی پنجاب) تے جموں (جموں ریجن) دے درمیان وچ قائم سرحدی لکیر نوں ورکنگ باؤنڈری کہیا جاندا اے ۔ پاکستان ایہنوں عالمی بارڈر تسلیم نئیں کردا ۔

بحیثیت پنجابی پاکستانی سانوں امید اے کہ بہت جلد ضلع جموں ، ضلع کٹھوعا ، ضلع سامبا ، ضلع ریاسی ، ضلع اودھم پور اُتے مشتمل جموں ریجن واپس پاکستان پنجاب دا حصہ ہوئے گا ، چناب تے راوی دریاواں دا منبع پنجاب کول واپس آئے گا ۔ ایہہ اوہ علاقہ اے جتھے خالص پنجابی بولی جاندی اے تے ذات برادریاں وی پنجابی نیں جیہناں وچ گجر ، جٹ ، راجپوت وغیرہ شامل نیں ۔

ضلع راجوری ، ضلع پونچھ تے پاکستانی آزاد کشمیر وچ پہاڑی پوٹھوہاری لہجہ بولیا جاندا اے ۔ ایہناں نوں کشمیری بنن دا خبط سوار اے ۔ 

آزاد کشمیر دے راولا کوٹ ، باغ ، پلندری ، کوٹلی ، مظفرآباد ، مقبوضہ کشمیر دے ضلع پونچھ تے ضلع راجوری نوں پنجابی دی بجائے پہاڑی پوٹھوہاری لہجے نوں پنجابی توں وکھ رکھن دا تے کشمیری کہلاؤن دا کیڑا اے ۔ 

لیکن جموں ریجن تے آزاد کشمیر دے دو ضلعے بھمبر تے میرپور خالصتاً پنجابی علاقہ اے ۔ بھمبر تے میرپور دا تعلق ضلع جہلم تے ضلع گجرات نال اے ۔ زیادہ تر جٹ برادری اے ۔ 

جموں دا تعلق سیالکوٹ تے گجرانوالا نال اے ۔ (کاپی)

*Copied*

#PGFInt

پنجابی گریجویٹس فورم انٹرنیشنل