پاکستان وچ "پنجابی قوم پرستی" کتھوں شروع ھوئی ؟؟؟ ۱۹۷۰ توں پنجاب پنجابی خلاف جہڑا پروپیگنڈہ اوس ویلے دی اسٹیبلشمنٹ تے سیاسی نسل پرست جرنیلاں تے اونھاں دے پالتو موقع تے مفاد پرست سیاست داناں نیں شروع کیتا اوھدا سبھ بوھتا سندھ وچ ھویا ، اسٹیبلشمنٹ تے جرنیلاں دے سدا بہار وفاداراں سرکاری تے ایجنسیاں دی سرپرستی وچ سندھ دے پنجابیاں خلاف نفرت نوں ودھارا دتا ، تلیمی اداریاں وچ پنجابی بولن والے سندھیاں نوں ٹارگٹ کیتا گیا یونیورسٹیاں کالجاں وچ داخلے توں روکن لئی سرکاری مشنری تے پولیس دی پوری حمایت نال اسناد تے تلیمی کاغذات پاڑ یا ساڑ دتے جاندے رئے ، پنجابی اکھر اک طراں دی گال بنا دتا گیا مطلب سندھ دے پنجابی نوں سندھی پڑھن بولن، سندھی ثقافت ٹوپی اجرک اپنان دے باوجود سندھی بنن دی بجائے پنجابی بنن ول دھک دتا گیا .. ۱۹۷۰ دے اخیر وچسندھ دے دارالحکومت کراچی وچ پی ایس اے (PSA) تے ۱۹۸۰ دے وچ این ایس ایس او(NSSO) جہڑی ۱۹۹۰ وچ ایس پی ایس اے (SPSA) ھو گئی , ۱۹۸۱ وچ سپاوا (سندھ پنجابی آبادگار ایسوسی ایشن) بنیاں . ایناں حالات تے واقعات دے کرکے سن ستر تے اسی دے دہاکے دے سندھ وچ پیدا ھون والے پنجابیاں وچ قوم پرستی دا رجحان بوھت اے ، آپنے پیاریاں دیاں جاناں زمیناں مال دولت دے نقصان نیں ایناں وچ قوم پرستی دے جذبات شدت نال ودھائے . کراچی وچ وی اوس ویلے دی اسٹیبلشمنٹ تے آرمی ہائی کمان دی سرپرستی وچ پیدا ھون والی قوم پرست نما دہشت گرد پارٹی نیں تلیمی اداریاں توں بار عام پنجابی نوں وی قوم پرستی ول لیاندا , ۱۹۸۷ وچ پنجابی اتحاد بنیا جہڑا باد وچ پنجابی پختون اتحاد دا روپ اختیار کر گیا .. بلوچستان وچ وسن آلے پنجابی وی اسٹیبلشمنٹ تے سیاسی جرنیلاں دے پالتو سیاست دان نما مفاد پرستاں ہتھوں ظلم بربریت دا شکار چلے آ رئے نیں پنجابی اکھر بلوچستان وچ حیاتی دے خاتمے دا نشان بنا دتا گیا بدقسمتی نال بلوچستان دے پنجابی بے یارومددگار قتل تے برباد ھوندے رئے تے اج وی بلوچستان وچ بچے کھچے پنجابی تیجے درجے دے شھری توں بری زندگی گزار رئے نیں ایناں حالات دے کرکے بلوچستان دے پنجابیاں وچ وی قومی سیاسی شعور بوھت مضبوط اے . پنجاب وچ اج نظر آن والی بوھت تیزی نال ودھدی قومی سیاسی شعور دی لہر پچھے وی سندھ دے پنجابی قوم پرستاں دا وڈا ہتھ اے .. #PGFInt (افضل پنجابی) *پنجابی گریجویٹس فورم انٹرنیشنل.PGFInt*

 پاکستان وچ "پنجابی قوم پرستی" کتھوں شروع ھوئی ؟؟؟

۱۹۷۰ توں پنجاب پنجابی خلاف جہڑا پروپیگنڈہ اوس ویلے دی اسٹیبلشمنٹ تے سیاسی نسل پرست جرنیلاں تے اونھاں دے پالتو موقع تے مفاد پرست سیاست داناں نیں شروع کیتا اوھدا سبھ بوھتا سندھ وچ ھویا ، اسٹیبلشمنٹ تے جرنیلاں دے سدا بہار وفاداراں سرکاری تے ایجنسیاں دی سرپرستی وچ سندھ دے پنجابیاں خلاف نفرت نوں ودھارا دتا ، تلیمی اداریاں وچ پنجابی بولن والے سندھیاں نوں ٹارگٹ کیتا گیا یونیورسٹیاں کالجاں وچ داخلے توں روکن لئی سرکاری مشنری تے پولیس دی پوری حمایت نال اسناد تے تلیمی کاغذات پاڑ یا ساڑ دتے جاندے رئے ، پنجابی اکھر اک طراں دی گال بنا دتا گیا مطلب سندھ دے پنجابی نوں سندھی پڑھن بولن، سندھی ثقافت ٹوپی اجرک اپنان دے باوجود سندھی بنن دی بجائے پنجابی بنن ول دھک دتا گیا ..

۱۹۷۰ دے اخیر وچسندھ دے دارالحکومت کراچی وچ پی ایس اے (PSA) تے ۱۹۸۰ دے وچ این ایس ایس او(NSSO) جہڑی ۱۹۹۰ وچ ایس پی ایس اے (SPSA) ھو گئی , ۱۹۸۱ وچ سپاوا (سندھ پنجابی آبادگار ایسوسی ایشن) بنیاں .

ایناں حالات تے واقعات دے کرکے سن ستر تے اسی دے دہاکے دے سندھ وچ پیدا ھون والے پنجابیاں وچ قوم پرستی دا رجحان بوھت اے ، آپنے پیاریاں دیاں جاناں زمیناں مال دولت دے نقصان نیں ایناں وچ قوم پرستی دے جذبات شدت نال ودھائے .

کراچی وچ وی اوس ویلے دی اسٹیبلشمنٹ تے آرمی ہائی کمان دی سرپرستی وچ پیدا ھون والی قوم پرست نما دہشت گرد پارٹی نیں تلیمی اداریاں توں بار عام پنجابی نوں وی قوم پرستی ول لیاندا , ۱۹۸۷ وچ پنجابی اتحاد بنیا جہڑا باد وچ پنجابی پختون اتحاد دا روپ اختیار کر گیا ..

بلوچستان وچ وسن آلے پنجابی وی اسٹیبلشمنٹ تے سیاسی جرنیلاں دے پالتو سیاست دان نما مفاد پرستاں ہتھوں ظلم بربریت دا شکار چلے آ رئے نیں پنجابی اکھر بلوچستان وچ حیاتی دے خاتمے دا نشان بنا دتا گیا بدقسمتی نال بلوچستان دے پنجابی بے یارومددگار قتل تے برباد ھوندے رئے تے اج وی بلوچستان وچ بچے کھچے پنجابی تیجے درجے دے شھری توں بری زندگی گزار رئے نیں ایناں حالات دے کرکے بلوچستان دے پنجابیاں وچ وی قومی سیاسی شعور بوھت مضبوط اے .

پنجاب وچ اج نظر آن والی بوھت تیزی نال ودھدی قومی سیاسی شعور دی لہر پچھے وی سندھ دے پنجابی قوم پرستاں دا وڈا ہتھ اے ..

#PGFInt

(افضل پنجابی)

*پنجابی گریجویٹس فورم انٹرنیشنل.PGFInt*