"زبان" (language ) "عظمی اسلم" انساں اپنے جزبیاں دا اظہار چاہندااے جدوں اوہ خوش ہوندا اے تے خوشی وچ دوسریاں نوں شامل کرن چاہندا اے ایسے طرح اوہ اپنے دکھ نوں صرف اپنے تیکر نہئں رکھنا چاہندا سگوں اپنے اندر دے دکھ وی باہر لیاونا چاہندا اے ایہہ خوشی تے غمی دے جذبے جہیڑے اوہدے ذاتی ہوندے نیں اوہناں نوں دوسریاں تک پہچاۂ ن لئی اوہ زبان دا استعمال کردا ہے اوہدے کول زبان نہ ہوندی تے اوہ کدی وی اپنے احساس جذبے خواہش نوں دوسریاں دے سامنے نہ رکھ سکدا ایہہ زبان ای اے جہیڑی اوہدے اندر دے اُب نوں باہر کڈھ دی اے ایتھے زبان توں مراد جیبھ نہیں تے نہ ای کوئئ خاص زبان اے بلکہ زبان توں مراد اوہ سارے اکھر نیں جہیڑے بندہ منہ راہیں ادا کر دا اے اوہ بھاؤیں کسے وی زبان دے ہون تے ایہہ زبان ای ایس لیکھت دا سرناواں اے زبان کہیہ تے کیسی اے اوہدے کردار تے اوہدی ماہیت بارے ہر دور وچ وکھو وکھو سوال اُٹھدے رہے۔ نیں تے کئی عالماں تے دانشوراں نے اپنے اپبے طور اوہناں دے جواب دین دی کوشش کیتی اے علم دیاں وکھو وکھ شاخاں نے ایہدے ہر پکھ نوں واصع تے جاننا چاہیا تے ایسے کھوج دے نتیجے وچ بہت ساریاں معلومات اکھٹیاں کیتاں گیاں نیں جہیڑیاں زبان دی ماہیت نوں سمجھن لئی مدگار نیں جدوں اسیں اکھراں دے بارے سوچنے آں تے دو قسم دے اکھر ساڈے ساسمنے اوندے نیں 1جیدا کوئئ معنی نہ ہووے 2 جیدا کوئئ معنی ہووے بے معنی اوہُ اکھر نیں جہناں دا کوئئ مطلب نہیں ہوندا مشلا ور ڈو ویکھن نوں ایہہ اکھر صیح لگدا اے ایہہ بے معنی اے کیوں جے نہ تے ایہہ کسے لغت وچ شامل اے تے نہ ای ایہدا مطلب کسے دے سمجھ وچ اوندا اے ایہہ اکھر کسے زبان نوں سمجھن والے بندے تے اوپرے بندے لئی اکوجہیا اے کیوں جے دونویں ای ایہدے مطب توں نا واقف نیں دوجے اکھر بامعنی نیں ایہہ اوہ اکھر نیں جہیڑے کسے وی لغت دا حصہ ہوندے نیں تے اکھر اپنا مطلب کس طرح حاصل کردے نیں اتے کوئئ اک اکھر نوں اک ای شئے کس طرح مراد لئئ جاندی اے ایس قسم دے سوالاں دے جواب دے نتیجے وچ ساریاں گلاں ساڈے سامنے اوندیاں نیں مشلا جے پانی دا اکھر ورتیا جاوے تے اوہنوں سنن والے بندے جہیڑے زبان توں واقف نیں فوراُُُ ایس اکھر توں مراد شے نوں سمجھ جان گئے کس طرح اک اکھر نوں اک ای شے مراد لئئ جاندی اے جہیڑی اوہدے مطلب نوں واصح کر دی اے تے کس طرح دوسرے اکھر اپنا معنی حاصل کردے نیں زبان بارے کھوج وچ ایہہ سوال بڑا ہم اے بے معنی نشان بھاویں جنے وی سوہنے کیوں نہ ہوون نے بے معنی اوازاں بھا ویں کسے وی انداز وچ پیش کتیاں جان بے معنی ای رہندیاں نیں کیوں جے نہ تے کوئئ اوہناں نوں سمجھ رہیا ہوندا اے اتے نہ ای اوہ اپنے مطلب نوں واضح کر رہیاں ہوندیاں نیں اک زبان کسے اوپرے بندے لئئ تے بے معنی ہو سکدی اے پر ایہہ بے معنویت صرف اوس بندے لئئ ہووے گی نہ کہ ایس زبان بارے کوئئ کلی فیصلہ ہوے گا کیوں جے اوس نہ سمجھن والے بندے پاروں زبان دی حیثیت تے کوئئ فرق نئیں پیندا جے اوہ بندہ چاہے تے اوس زبان نوں سکھ وی سکدا اے زبان دی ماہیت بارے بحث کر دیاں ہویاں اسیس جس مڈھلے سوال دا جواب لبھاں گے اوہ ایہہ اے کے اخیر اوہ کہیڑے پکھ نیں جہناں دی وجہ توں بے معنی اوزاں بامعنی اکھرا دے طور تے ساہمنے ائیاں نیں تے لغت دا حصہ بن گئیاں نیں ایس سوال دا جواب بارے کئی طر ح دے نظریے ساہمنے اوندے نیں کرداری نظریہ Behavioural Theory حوالیاتی نظریہ Referentional Theory خیالیاتی نظریہ Ideation Theory چلدا پیا اے.. *Copied* *پنجابی گریجویٹس فورم انٹرنیشنل.PGF Int*

 "زبان" (language )

"عظمی اسلم"

انساں اپنے جزبیاں دا اظہار چاہندااے جدوں اوہ خوش ہوندا اے تے خوشی وچ دوسریاں نوں شامل کرن چاہندا اے ایسے طرح اوہ اپنے دکھ نوں صرف اپنے تیکر نہئں رکھنا چاہندا سگوں اپنے اندر دے دکھ وی باہر لیاونا چاہندا اے ایہہ خوشی تے غمی دے جذبے جہیڑے اوہدے ذاتی ہوندے نیں اوہناں نوں  دوسریاں تک پہچاۂ ن لئی اوہ زبان دا استعمال کردا ہے اوہدے کول زبان نہ ہوندی تے اوہ  کدی  وی اپنے احساس  جذبے خواہش نوں  دوسریاں  دے سامنے نہ رکھ سکدا ایہہ زبان ای اے جہیڑی اوہدے اندر دے  اُب نوں باہر کڈھ دی اے ایتھے زبان توں مراد  جیبھ نہیں تے نہ ای کوئئ خاص زبان اے بلکہ زبان توں مراد اوہ سارے اکھر نیں جہیڑے بندہ  منہ راہیں ادا کر دا اے اوہ بھاؤیں کسے وی زبان  دے ہون تے ایہہ زبان ای ایس  لیکھت دا سرناواں اے

زبان کہیہ تے کیسی اے اوہدے کردار تے اوہدی ماہیت بارے ہر دور وچ وکھو وکھو سوال  اُٹھدے رہے۔ نیں تے کئی عالماں تے دانشوراں نے اپنے اپبے طور اوہناں دے  جواب  دین دی کوشش کیتی اے

علم دیاں وکھو وکھ شاخاں نے ایہدے ہر پکھ نوں واصع تے جاننا  چاہیا تے ایسے  کھوج دے نتیجے وچ بہت ساریاں معلومات  اکھٹیاں کیتاں گیاں نیں  جہیڑیاں زبان دی ماہیت نوں سمجھن لئی مدگار نیں جدوں اسیں اکھراں دے بارے سوچنے آں تے دو قسم دے اکھر ساڈے ساسمنے  اوندے نیں  

1جیدا کوئئ معنی نہ ہووے

2 جیدا کوئئ معنی ہووے

بے معنی اوہُ اکھر نیں جہناں  دا کوئئ مطلب  نہیں ہوندا مشلا ور ڈو  ویکھن  نوں ایہہ اکھر  صیح  لگدا اے  ایہہ بے معنی اے کیوں جے نہ تے  ایہہ کسے لغت  وچ شامل اے  تے نہ  ای ایہدا  مطلب کسے دے سمجھ وچ اوندا اے  ایہہ اکھر  کسے  زبان نوں سمجھن والے  بندے تے اوپرے بندے لئی اکوجہیا اے کیوں  جے دونویں  ای  ایہدے  مطب توں  نا واقف نیں

دوجے اکھر بامعنی  نیں  ایہہ اوہ اکھر نیں  جہیڑے کسے وی لغت دا حصہ ہوندے نیں تے اکھر اپنا مطلب کس طرح حاصل کردے نیں اتے کوئئ اک اکھر نوں اک ای شئے کس طرح مراد لئئ جاندی  اے

ایس قسم دے سوالاں دے جواب  دے نتیجے  وچ ساریاں گلاں  ساڈے سامنے اوندیاں نیں  مشلا جے پانی دا اکھر ورتیا جاوے  تے اوہنوں  سنن والے بندے  جہیڑے زبان توں  واقف نیں  فوراُُُ  ایس اکھر توں مراد  شے نوں سمجھ جان گئے  کس طرح اک اکھر نوں  اک ای شے  مراد لئئ  جاندی اے  جہیڑی اوہدے  مطلب نوں  واصح کر دی اے  تے کس طرح  دوسرے اکھر اپنا معنی حاصل کردے  نیں  زبان  بارے  کھوج وچ ایہہ سوال بڑا ہم اے

بے معنی  نشان بھاویں جنے وی سوہنے کیوں نہ ہوون نے بے معنی  اوازاں  بھا ویں کسے وی انداز وچ پیش  کتیاں جان بے معنی ای رہندیاں نیں  کیوں جے نہ تے کوئئ اوہناں نوں  سمجھ رہیا ہوندا اے اتے نہ ای اوہ اپنے مطلب نوں  واضح کر رہیاں ہوندیاں نیں

اک زبان کسے اوپرے  بندے لئئ  تے بے معنی  ہو سکدی اے  پر ایہہ  بے معنویت  صرف اوس بندے لئئ ہووے گی  نہ کہ ایس زبان بارے  کوئئ کلی فیصلہ ہوے گا کیوں جے اوس  نہ  سمجھن والے بندے پاروں  زبان  دی حیثیت تے کوئئ  فرق  نئیں پیندا جے اوہ  بندہ چاہے تے  اوس  زبان نوں سکھ وی سکدا اے

زبان دی ماہیت  بارے  بحث کر دیاں ہویاں اسیس  جس مڈھلے  سوال دا جواب لبھاں  گے اوہ  ایہہ  اے کے  اخیر اوہ کہیڑے  پکھ  نیں  جہناں دی وجہ  توں  بے معنی اوزاں  بامعنی اکھرا دے طور تے ساہمنے ائیاں نیں تے لغت دا حصہ  بن گئیاں نیں ایس سوال دا جواب  بارے کئی طر ح دے نظریے ساہمنے اوندے نیں

کرداری  نظریہ Behavioural Theory 

حوالیاتی نظریہ Referentional Theory 

خیالیاتی نظریہ Ideation Theory 

چلدا پیا اے..

*Copied*

*پنجابی گریجویٹس فورم انٹرنیشنل.PGF Int*