سیاست کی اے تے کداں کیتی / کھیڈی جاندی اے ؟؟؟ پاکستان وچ سیاست آپنے تے ھم خیال لوکاں نوں اک مٹھ تے مخالف لوکاں نوں وکھو وکھ کرن دا ناں اے ، ایہدی وڈی مثال پنجابی نیں ، سنتالی وچ دو قومی نظریہ یاں مذہب / دھرم دی بنیاد تے ونڈ دی آڑ وچ پنجابیاں نال ایہو کھیڈ کھیڈی گئی ، اوس توں باد علاقیاں دے ناں تے پنجاب ونڈیا گیا ، ۱۹۶۰ توں باد پنجابیاں تے پنجاب نوں بولی دے لہجیاں دی بنیاد تے ونڈن دا عمل جاری اے ، اج ھندکو ، ہزارہ ، پوٹھوہاری ، ڈوگری ، پہاڑی ، ملتانی ، ریاستی ، ڈیرہ آلی، جھنگوچی بولن آلے اپنے آپ نوں پنجابی نئیں سمجدے ، پچھلے ستر سالاں توں پنجاب پنجابی مخالفاں وڈی چلاکی تے سیاست نال پنجابیاں نوں اسلام پاکستان تے وڈے بھرا دا لولی پوپ دے کے قومی تے سیاسی شعور توں دور رکھیا ماں بولی پنجابی تے رہتل نوں جاہلاں دی زبان رہتل دا تاثر وڈے منظم طریقے نال سرکاری وسائل استعمال کر دیاں مضبوط کیتا ، نتیجہ سب دے سامنے اے ، اج پنجابی پاکستان دی واحد قوم اے جہدے لوک پنجابی ھون دے گناہ وچ اک اک ٹائم وچ دو دو درجن توں ودھ اغواء / ٹارگٹ کرکے مارے گئے ، زمین جائیداد تے قبضے علاقیاں چوں بیدخلی ، نوکریاں توں محروم کیتا گیا پر بحیثیت قوم ایناں ظلماں دا ایہدے تے کوئی اثر نئیں ھویا کیوں جے پنجاب پنجابی مخالفاں کامیاب سیاست کر دیاں ایناں نوں قومی سیاسی شعور توں محروم کر چھڈیا اے ، اج اے سیاست کرن آلے پنجاب نوں بنجر کرن تے انگریز کولوں لئیاں آپنیاں جگیراں بچان لئی پنجاب دی دریائی پٹی دے وڈے حصے نوں وڈھ کے جدا کرنا چاہندے نیں ، تے پنجابی اج وی اسلام پاکستان تے وڈے بھرا دا ڈھکوسلہ لے کے ستے پئے نیں ، اج پنجاب پنجابی وچ ودھدا قومی شعور ایسے سیاست دا ردعمل اے ، پنجاب پنجابی جاگن شروع ھویا اے تے ستر سال قوم پرستی دے ناں تے لسانیت عصبیت علاقائیت دا گندا کھیڈ کھیڈن ، پاکستان پنجاب پنجابی نوں گالاں کڈھن آلیاں نوں اسلام پاکستان تے مسلمان بھائی یاد آن لگ پیا اے . ستر سال پنجاب پنجابی نوں اے سیاست کر دیاں ایس حالت تائیں لیان والے ھن پنجاب پنجابی دی سیاست نوں برداشت کرن ، کیوں جے اج دے پنجابی دی سوچ ھن اے وے ؛ وفا کرو گے وفا کریں گے جفا کرو گے جفا کریں گے ھم آدمی ھیں تمھارے جیسے جو تم کرو گے وہ ھم کریں گے «افضل پنجابی» پنجابی گریجویٹس فورم انٹرنیشنل .PGF Int

 سیاست کی اے تے کداں کیتی / کھیڈی جاندی اے ؟؟؟

پاکستان وچ سیاست آپنے تے ھم خیال لوکاں نوں اک مٹھ تے مخالف لوکاں نوں وکھو وکھ کرن دا ناں اے ،

ایہدی وڈی مثال پنجابی نیں ، 

سنتالی وچ دو قومی نظریہ یاں مذہب / دھرم دی بنیاد تے ونڈ دی آڑ وچ پنجابیاں نال ایہو کھیڈ کھیڈی گئی ،

اوس توں باد علاقیاں دے ناں تے پنجاب ونڈیا گیا ،

۱۹۶۰ توں باد پنجابیاں تے پنجاب نوں بولی دے لہجیاں دی بنیاد تے ونڈن دا عمل جاری اے ، اج ھندکو ، ہزارہ ، پوٹھوہاری ، ڈوگری ، پہاڑی ، ملتانی ، ریاستی ، ڈیرہ آلی، جھنگوچی بولن آلے اپنے آپ نوں پنجابی نئیں سمجدے ، 

پچھلے ستر سالاں توں پنجاب پنجابی مخالفاں وڈی چلاکی تے سیاست نال پنجابیاں نوں اسلام پاکستان تے وڈے بھرا دا لولی پوپ دے کے قومی تے سیاسی شعور توں دور رکھیا ماں بولی پنجابی تے رہتل نوں جاہلاں دی زبان رہتل دا تاثر وڈے منظم طریقے نال سرکاری وسائل استعمال کر دیاں مضبوط کیتا ، 

نتیجہ سب دے سامنے اے ، 

اج پنجابی پاکستان دی واحد قوم اے جہدے لوک پنجابی ھون دے گناہ وچ اک اک ٹائم وچ دو دو درجن توں ودھ اغواء / ٹارگٹ کرکے مارے گئے ، زمین جائیداد تے قبضے علاقیاں چوں بیدخلی ، نوکریاں توں محروم کیتا گیا پر بحیثیت قوم ایناں ظلماں دا ایہدے تے کوئی اثر نئیں ھویا کیوں جے پنجاب پنجابی مخالفاں کامیاب سیاست کر دیاں ایناں نوں قومی سیاسی شعور توں محروم کر چھڈیا اے ،

اج اے سیاست کرن آلے پنجاب نوں بنجر کرن تے انگریز کولوں لئیاں آپنیاں جگیراں بچان لئی پنجاب دی دریائی پٹی دے وڈے حصے نوں وڈھ کے جدا کرنا چاہندے نیں ، تے پنجابی اج وی اسلام پاکستان تے وڈے بھرا دا ڈھکوسلہ لے کے ستے پئے نیں ،

اج پنجاب پنجابی وچ ودھدا قومی شعور ایسے سیاست دا ردعمل اے ، پنجاب پنجابی جاگن شروع ھویا اے تے ستر سال قوم پرستی دے ناں تے لسانیت عصبیت علاقائیت دا گندا کھیڈ کھیڈن ، پاکستان پنجاب پنجابی نوں گالاں کڈھن آلیاں نوں اسلام پاکستان تے مسلمان بھائی یاد آن لگ پیا اے .

ستر سال پنجاب پنجابی نوں اے سیاست کر دیاں ایس حالت تائیں لیان والے ھن پنجاب پنجابی دی سیاست نوں برداشت کرن ، 

کیوں جے اج دے پنجابی دی سوچ ھن اے وے ؛

وفا کرو گے وفا کریں گے 

جفا کرو گے جفا کریں گے

ھم آدمی ھیں تمھارے جیسے

جو تم کرو گے وہ ھم کریں گے

«افضل پنجابی»

پنجابی گریجویٹس فورم انٹرنیشنل .PGF Int