سپتہ سندھو/ وادئ سندھ / انڈس ویلی دی وحدت ختم ھون توں باد بنن آلے صوبیاں سندھ بلوچستان کے پی کے وچ لسانیت عصبیت علاقائیت دا زہر بھرن آلی غیر زمین زاد قوتاں دے بیانیہ پنجاب کھا گیا پنجاب چوری کر گیا پنجاب سامراج دے توڑ لئی اک نویں سیاسی سماجی معاشرتی اقتصادی معاہدے دی لوڑ کیوں اے ؟؟؟
سپتہ سندھو/ وادئ سندھ / انڈس ویلی دی وحدت ختم ھون توں باد بنن آلے صوبیاں سندھ بلوچستان کے پی کے وچ لسانیت عصبیت علاقائیت دا زہر بھرن آلی غیر زمین زاد قوتاں دے بیانیہ پنجاب کھا گیا پنجاب چوری کر گیا پنجاب سامراج دے توڑ لئی اک نویں سیاسی سماجی معاشرتی اقتصادی معاہدے دی لوڑ کیوں اے ؟؟؟
جد تائیں انڈس ویلی/ سپتہ سندھو وچ غیر زمین زاد قبضہ گیر پناہ گیر تے درانداز طاقتاں ولوں لسانیت عصبیت علاقائیت دا زہر نئیں بھریا گیا سی سپتہ سندھو دیاں سبھ قوماں امن محبت شانتی نال بغیر کسے تنازعہ توں ہزاراں سال کٹھیاں رئیاں ناں کوئی پنج آبی ناں سندھی ناں براہوی وغیرہ،
دریائے سندھ وادئ سندھ دی نسبت سبھ دا سانجھا سی کیوں جے وادئ وی سانجھی سی ،
ھند دی ونڈ توں پہلاں انگریز دے وفاداراں دی لسٹ وچ ایہو ای غیر زمین زاد بھرے ملن گے ،
پاکستان بنن توں باد وڈے منظم طریقے نال غیر زمین زاد اقلیت نیں لسانیت عصبیت علاقائیت دا گندا کھیڈ کھیڈدیاں پنجابی سندھی براہوی تے باقی سپتہ سندھو دیاں قوماں وچ تفریق پیدا کیتی جنہے انگریز ولوں وادئ مھران دے خطے وچ بنائے گئے صوبہ سندھ وچ پنجاب پنجابی خلاف نفرت دی اگ بالی تے جہدا اثر اج تائیں باقی اے ،
اج جد سندھ دے ناں نوں اک نکے جئے علاقے وادئ مھران وچ بنے صوبہ سندھ چ محدود کر دتا گیا اے تے ،
غیر زمین زاد قوتاں دا پنجاب مخالف بیانیہ «« پنجاب سندھ دا پانی چوری کر گیا پنجاب کھا گیا پنجاب سامراج »» اج وی زندہ اے
تاں فیر کیوں ناں پنجاب وی اج دی زمینی حقیقت نوں تسلیم کردیاں کج اھم فیصلے کرے ؟
انڈس ویلی / سپتہ سندھو دے وارث پنجابی سندھی براہوی تے باقی نوں قوماں جے آپنی ہزاراں ورہیاں پرانی وحدت تے اکٹھ چھڈ کے اج موجود صوبہ سندھ ، بلوچستان کے پی کے وچ ونڈے جان تے خوش نیں ، سندھ بلوچستان کے پی کے نوں آپنے قدرتی وسیلے پنجاب ولوں کھادے جان دا گلہ اے تے فیر،
سندھی براہوی سمیت غیر زمین زاد بلوچ پشتون مہاجر ساڈے ایس مطالبے نال کھڑے ھوون کہ،
- پاکستان دے چاروں صوبے آپنے قدرتی وسیلیاں دے استعمال تے فیصلہ کرن وچ آزاد ھون ،وفاق نوں ایہدے وچ کوئی اختیار نئیں ھونا چائیدا ،
- اپنے امن امان دے مسئلیاں دے حل لئی آپنے مقامی لوک بھرتی کرکے رینجرز ٹائپ پیرا ملٹری فورس بنان تے کمانڈ کرن وچ آزاد ھون.
-پنجاب دا سب توں وڈا تے اھم قدرتی وسیلہ اوھدے دریا نیں تے اجناس نیں ،
دریائے سندھ دا آپنے مڈھ توں لے کے اخیر سمندر تائیں سب توں وڈا روٹ پنجاب وچ اے تے پنجاب دے باقی دریا وی دریائے سندھ وچ پنجاب دے علاقے وچ ای رل دے نیں ،
سپتہ سندھو دیاں قوماں دی پنجابی سندھی براہوی سمیت نوں قوماں وچ تقسیم تے تفریق توں باد ھن پنجاب دی حدود وچ وگن آلے سبھ دریا پنجاب دا قدرتی وسیلہ نیں ،
وادئ سندھ دی وحدت غیر زمین زاداں دی لسانیت عصبیت علاقائیت دی پرچار کرکے ختم کرن توں باد پنجاب نوں جائز طور تے حق حاصل اے کہ سب توں ودھ پنجاب وچ ھوون دے کرکے دریائے سندھ دا ناں پنجاب وچ دریائے پنجاب رکھے سندھ آلے اونھوں آپنے علاقے وچ دریائے سندھ آکھدے رہن ،
-پنجاب نوں دوجیاں صوبیاں وانگ آپنے قدرتی وسیلیاں تے اختیار ھووے کہ او آپنی ضرورت توں ودھ پانی تے اجناس جتھے مرضی جمع کرے ویچے ورتے ،
سندھ ، بلوچستان ،کے پی کے آپنے وسیلے ورتن آپنی مرضی دی قیمت تے ویچن تے پنجاب آپنی مرضی نال ،
سندھ بلوچستان پنجاب کے پی کے ولوں بندر گاہواں استعمال کرن دین یاں ناں دین دا فیصلہ کرن وچ آزاد ھون .
«افضل پنجابی»
PGF Int.(Punjabi Graduates forum international)
Comments
Post a Comment