کسے قوم دی زبان دی اہمیت دے بارے ربّ سوہنے نیں قرآن کریم وچ کی آکھیا اے ؟؟؟

 کسے قوم دی زبان دی اہمیت دے بارے ربّ سوہنے نیں قرآن کریم وچ کی آکھیا اے ؟؟؟


سوہنے تے پیارے آخری نبی حضرت محمد ﷺ ھوراں توں پہلاں ربّ سوہنے نیں جنے وی پغمبر رسول گھلے اونھاں نوں کسے خاص قوم ول مبعوث کیتا پر ساڈے سوہنے نبی حضرت محمد ﷺ نوں رب سوہنے نیں آخری نبی کل عالم لئی بنایا .


محمدﷺ تہاڈے مرداں چوں کسے دا پیؤ نئیں او الله دے رسول تے خَاتَمَ النَّبِيِّين نیں۔(40-33) (اے محمدﷺ) میں تہانوں رَحْمَةً لِّلْعَالَمِينَ بنا کے مبعوث کیتا اے۔

(107-21) میں ایس توں پہلاں وی رسول مبعوث کیتے اونھاں چوں کج دے حال تہانوں دس دتے تے کج دے حال تہانوں نئیں دسے . 

(78-40)میں ایناں رسولاں نوں جہڑی قوم ول مبعوث کیتا او اوس قوم دی زبان وچ ای میرا سنیہا سناندا تے اپڑاندا سی .

(4-14)

ربّ سوہنے نیں حضرت محمد ﷺ ھوراں نوں صرف آخری نبی نئیں بنایا بلکہ کل عالمین لئی مبعوث کیتا۔ ایس لئی جنیاں وی قوماں سن یاں ھین حضرت محمد ﷺ سب دے نبی سن تے نبی ھین تے قیامت تائیں نبی رہن گے ،قرآنِ پاک آخری الہامی کتاب اے۔ اڈیں حضرت محمد ﷺ دے امتی تے آخری امت آں۔


حضرت محمد ﷺ ھوراں دی بولی عربی سی، ایس لئی ربّ سوہنے نیں حضرت محمد ﷺ ھوراں نوں اونھاں دی بولی عربی وچ آپنا کلام تے کتاب قرآن مجید صورت وچ دتی ۔ قوم تے زبان دی اہمیت بارے قرآنِ پاک وچ رب سوہنے آکھدا اے:


اے ابن آدم ! میں تہانوں اک مرد تے اک عورت چوں بنایا فیر تہاڈے شناخت لئی خاندان تے قبیلے بنا دتے ، پر تہاڈے چوں الله تعالیٰ دے کول عزت والا او وے جہڑا تہاڈے چوں تقویٰ آلا اے۔ (13-49)


میں رسولاں چوں جینوں مبعوث کیتا تے او اوس قوم دی بولی وچ ای میرا سنیہا سناندا سی (4-14) 

ایسے طراں میں تہاڈے ول قرآن عربی وحی کیتا اے ایس لئی کہ تسیں وڈی بستیاں تے اوھدے آسے پاسے رہن الے لوکاں نوں جمع ھون دے دیہاڑے قیامت بارے دسو تے ڈراؤ جہدے آن وچ رتی برابر وی شک نئیں اوس دیہاڑے اک جماعت بہشت وچ تے دوجی دوزخ وچ جائے گی(7-42) 

ھور ایسے طراں اسیں عربی بولی وچ آپنا حکم نازل کیتا (37-13) ایس توں پہلاں موسی علیہ سلام دی کتاب رہنما تے رحمت سی تے اے کتاب عربی بولی وچ اوھدی تصدیق کردہ اے ایس لئی کہ اونھاں لوکاں نوں ڈراوے جہڑے ظلم کر رئے نیں تے الْمُحْسِنِين نوں بشارت دوے۔ (12-46)


میں ایس قرآن نوں عربی وچ نازل کیتا ایس لئی کہ تسیں سمجھ سکو (2-12) اے رَبِّ الْعَالَمِينَ دا نازل کیتا ہویا اے (192-26) الرُّوحُ الْأَمِينُ ذریعے نازل ہویا اے (193-26) تہاڈے دل تے کہ تسیں دوران آلے ھو جاؤ (194-26) واضح طور پر عربی بولی وچ۔ (195-26) جے اینوں عجمی قرآن بنایا ھوندا تے اے لوک ضرور آکھدے کہ آیتاں کھل کے کیوں بیان نئیں کیتیاں گئیاں؟ اے عجمی نیں تے اوہ عربی اے۔ (44-41) ایس لئی میں قرآن نوں عربی وچ نازل کیتا(113-20) ایس لئی میں اینوں عربی قرآن بنایا اے کہ تسیں سمجھ سکو۔(3-43) ایہو جئی کتاب جیس دیاں آیتاں وکھ وکھ پڑھیاں جاندیاں نیں قرآنِ عربی اونھاں لوکاں لئی اے جہڑے علم رکھدے نیں۔(3-41) 


ربّ سوہنے نیں حضرت محمد ﷺ ھوراں نوں ناں صرف آخری نبی بنایا بلکہ سارے عالماں لئی مبعوث کیتا ایس لئی جنیاں وی قوماں سن یاں ھین ' حضرت محمد ﷺ عربی قوم توں علاوہ اوہناں ساریاں قوماں دے نبی سن ' نبی ہین تے قیامت تائیں نبی رہن گے۔ 

ایس لئی الله تعالیٰ دے ولیاں دا کم اے کہ الله تعالیٰ دی طرفوں حضرت محمد ﷺ ھوراں نوں دتے گئے سنیہے ' جہڑا کہ قرآنِ پاک وچ عربی زبان وچ لکھیا اے تے قیامت تائیں روے گا ' ایس سنیہے نوں الله تعالیٰ دے ولی ھر قوم نوں اوس قوم دی بولی وچ سمجھان تے پڑھان ۔


حضرت محمد ﷺ ھوارں دی حیاتی وچ اےکم صحابہء کرام کردے رئے صحابہء کرام توں باد تابعین تے تبع تابعین کردے رئے۔ اوس توں باد ربّ سوہنے دے ولیاں ' درویشاں ' صوفیاں نیں اے کم کیتا تے قیامت تائیں ھوندا روے گا ان شاءالله


ربّ سوہنے دے ولیاں ' درویشاں ' صوفیاں دی پچھان اے وے کہ اونھاں دی تبلیغ سن کے یاں کلام پڑھ کے قرآنِ پاک نوں پڑھیا جاوے تے اونھاں دیاں گلاں تے تبلیغ دی تصدیق قرآنِ پاک دیاں آیتاں کرن تے اوہ ربّ سوہنے دے ولی ' درویش ' صوفی ھون گے، جہڑے آپنیاں گلاں تے کلام راہیں کل جہان دے لوکاں نوں اونھاں دی بولی وچ ربّ سوہنے دا سنیہا دے رئے ھوندے نیں جہڑا قرآن مجید وچ عربی بولی چ لکھیا اے تے ربّ سوہنے نیں ساڈے سوہنے نبی کریم تے آخری نبی طور نازل کیتا۔

 ایسے لئی ربّ سوہنے دے ولی ' درویش ' صوفی او کسے وی قوم نال تعلق رکھدے ھون یاں کسے وی علاقے دے ھون اونھاں دیاں گلاں تے تلیم اکو جئی ھوندی اے ، صرف بولی یاں کہن دا انداز وکھ ھو سکدا اے .

*افضل پنجابی*

Comments

Post a Comment

Popular posts from this blog

صوبائی زبانوں کو فوراَ نافذ اور قومی زبان کے لیے آئینی ترمیم کی جائے۔

صوبائی زبانوں کو فوراَ نافذ اور قومی زبان کے لیے آئینی ترمیم کی جائے۔ پاکستان کی سپریم کورٹ نے آرٹیکل 251 کے احکامات کو بلا غیر ضروری تاخیر فوراَ نافذ کرنے کا حکم دیا ھوا ھے۔ سپریم کورٹ نے اپنے فیصلے کی تمہید میں کہا ھے کہ: 1۔ اس سے پہلے بھی ھم آرٹیکل 251 کے مندرجات کی اھمیت کی طرف توجہ دلوا چکے ھیں اور سرکاری امور میں قومی زبان اور صوبائی زبانوں کی ترویج کی اھمیت کو اجاگر کرچکے ھیں۔ 2۔ عدالت نے مشاہدہ کیا ھے کہ حکومتِ پنجاب ' پنجابی زبان کو اس کا مقام دلوانے میں ناکام رھی ھے اور اس زبان کو حصولِ علم کا ذریعہ بنانے کے لیے کوئی خاطر خواہ اقدامات نہیں کیے گئے۔ 3۔ دستور میں مہیا کردہ ذاتی وقار کے حق کا لازمی تقاضہ ھے کہ ریاست ھر مرد و زن شہری کی زبان کو چاھے وہ قومی ھو یا صوبائی ' ایک قابلِ احترام زبان کا درجہ ضرور دے۔ 4۔ جب ریاست اس بات پر مصر ھوجائے کہ وہ زبانیں جو پاکستان کے شہریوں کی اکثریت بولتی ھے ' اس قابل نہیں ھیں کہ ان میں ریاستی کام انجام پا سکے تو پھر ریاست ان شہریوں کو حقیقی معنوں میں ان کے انسانی وقار سے محروم کر رھی ھے۔ 5۔ اس بات میں کوئی شبہ نہیں کہ انفرادی اور ...
Read more

Triple Role of Punjabi Is An Urge To Revive The Punjabi Nationalism.

Punjabi is the 9th biggest nation and Punjabi Speaking population of the World and the 3rd biggest nation of  South Asia . But, since the partition of British India, socially and the politically Punjabi nation is a confused, depressed and deprived nation due to "Dilemma of Division of Punjab and Punjabi Nation", "Trauma of Massacre of 2 Million Punjabis" and " Shock of World Largest Mass Migration". Therefore, Punjabi's are hanging to relocate their ideology that; The dominant factor of their identity should be their nation? The dominant factor of their identity should be their religion? The dominant factor of their identity should be their state? At present, the Punjabi nation is composed of 56% Muslim Punjabi community of Punjabi nation, 26% Hindu Punjabi community of Punjabi nation, 14% Sikh Punjabi community of Punjabi nation, 4% Christian Punjabi community of Punjabi nation. After the division of British India with the creation of Pakistan, the Mu...
Read more

The Rise of Punjabi Nationalism.

Punjabis are the largest ethnic population in  Pakistan . The Punjabi nation is the 3rd biggest nation of  South Asia . Punjabi Muslims are the 3rd largest ethnic community in the Muslim Ummah. Punjabi is the 9th biggest nation and Punjabi Speaking population of the World. Integration and assimilation are important parts of Punjabi culture since Punjabi identity is not based on tribal connections, race, color, creed or religion. More or less all Punjabis share the same cultural background. Traditionally, from the initiation of Punjabi nationalism, Punjabi identity is primarily linguistic, geographical and cultural. Punjabi identity is independent of race, color, creed or religion, and refers to those for whom the Punjabi language is the first language, those who reside in the  Punjab  region and associate themselves with the Punjabi Nation. Historically, the Punjabi people were a heterogeneous group and were subdivided into a number of clans called Biradari (lit...
Read more