پنجابی نیشنلسٹ فورم آن آلے کج سالاں اندر " پاکستان وچ "پاکستان نیشنلسٹ فورم" بنان دا کیوں ارادہ رکھدا اے ؟؟؟
"پنجابی نیشنلسٹ فورم آن آلے کج سالاں اندر " پاکستان وچ "پاکستان نیشنلسٹ فورم" بنان دا کیوں ارادہ رکھدا اے ؟؟؟
"پی این ایف" (پنجابی نیشنلسٹ فورم) دے پاکستان اندر ھر علاقے وچ زون نیں۔
"پی این ایف" دے پاکستان وچ؛
شمالی پنجاب،
وسطی پنجاب ،
جنوبی پنجاب،
سندھ ،
کراچی،
بلوچستان براھوئی ایریا ،
بلوچستان پشتون ایریا ،
کے پی کے (سرحد) زون نیں۔
"پی این ایف" دے ھر زون دا مشن وکھو وکھ اے۔
ھر زون لئی پنجابیاں دے سماجی ' معاشی ' سیاسی ' انتظامی مسئلیاں مطابق "پی این ایف" دی ٹیم پروگرام بناندی تے پالیسی متھ دی اے۔
ایسے کرکے پاکستان وچ ھر علاقے دے سماجی ' معاشی ' سیاسی ' انتظامی معاملیاں بارے "پی این ایف" دی ٹیم دا "بیانیہ" پدھرا تے واضح اے .
"پی این ایف" دا ھر زون آپنے آپنے زون وچ آپنے آپنے مشن مطابق کم کر ریا اے۔
ایس ویلے "پی این ایف" پاکستان وچ "پنجابی قوم پرستاں" دا سب توں وڈا نیٹ ورک اے۔
"پی این ایف" دی 2021 وچ ضلع تے 2022 وچ تحصیل دی سطح تے تنظیم سازی پوری ھون توں باد 2023 وچ "پی این ایف" عوامی یاں جنتا دی سطح تے آپنا کم ودھائے گا
پنجابیاں نیں پاکستان وچ پیار ، محبت ، امن آشتی دا محول بنانا اے ایس لئی پنجابی قوم پرست سماٹ ' براھوئی ' ھندکو ' کشمیری ' گلگتی بلتستانی ' کوھستانی ' چترالی ' سواتی ' ڈیرہ آلی ' گجراتی ' راجستھانی (کشمیری ' ھندکو ' ڈیرہ آلی دا شمار پنجابی قوم وچ ھوندا اے) دے نال چنگا تے ودھیا سماجی تے سیاسی ملن ورتن رکھن ودھیا اخلاق تے عزت مان دیا کرن اونھاں دی اخلاقی سماجی سیاسی معاشی مدد تے تعاون کرکے حوصلہ ودھایا کرن .
"پی این ایف" دی تنظیم سازی پوری کرن توں باد سماٹ ' براھوئی ' ھندکو ' کشمیری ' گلگتی بلتستانی ' کوھستانی ' چترالی ' سواتی ' ڈیرہ آلی ' گجراتی ' راجستھانی قوماں نال سانجھ کرکے "پنجابی نیشنلسٹ فورم" پاکستان دی سطح تے"پاکستان نیشنلسٹ فورم" دا مڈھ رکھے گا
ان شاءالله
سماٹ ' براھوئی ' ھندکو ' کشمیری ' گلگتی بلتستانی ' کوھستانی ' چترالی ' سواتی ' ڈیرہ آلی ' گجراتی ' راجستھانی قوماں نوں وی چائیدا اے کہ؛
"پی این ایف" طراں آپنی آپنی قوم دا فورم، پارٹی یاں تحریک بنان تاں کہ "پی این ایف" دی تنظیم سازی پوری ھون توں باد 2023 وچ "پاکستان نیشنلسٹ فورم" بنایا جاسکے۔
*PNF SINDH*
Comments
Post a Comment