جیس قوم وچ لیڈر نہ ھون اوس قوم وچ کی ھوندا اے؟
جیس قوم وچ لیڈر نہ ھون اوس قوم وچ کی ھوندا اے؟
جیہڑی زمین خالی پئی ھووے۔ اوس زمین وچ جڑی بوٹیاں تے جھاڑیاں اگ جاندیاں نے۔ انج ای جیس قوم وچ لیڈر نہ ھون۔ اوس قوم وچ لیڈر نما جڑی بوٹیاں تے جھاڑیاں اگ جاندیاں نے۔ جڑی بوٹیاں تے جھاڑیاں تے پھل نئیں لگیا کردے۔
لیڈر دی مثال درخت وانگوں ھوندی اے جیہڑا پھل دیندا اے۔ خالی پئی زمین وچ جد پھل والے درخت بیجنے ھون تے فے اوس زمین وچ اگیاں ھوئیاں جڑی بوٹیاں تے جھاڑیاں ای مسئلہ بن جاندیاں نے۔
انج ای جیس قوم وچ لیڈر نہ ھون تے اوس قوم وچ لیڈر پیدا کرنے ھون تے فے اوس قوم وچ لیڈر نما اگیاں ھوئیاں جڑی بوٹیاں تے جھاڑیاں ای مسئلہ بن جاندیاں نے۔
کجھ ایہو جیہا ای حال پنجابی قوم پرستی دے میدان وچ وی سی۔ پنجابی قوم پرستی دا کم منظم طور تے شروع ھون توں پہلوں پنجابی قوم پرستی دے میدان وچ جڑی بوٹیاں تے جھاڑیاں اگیاں ھوئیاں سن۔
پنجابی قوم پرستی دا کم منظم طور تے شروع ھون توں بعد ھن پنجابی قوم پرستی دے پھل دار درخت تیار ھون لگ پئے نے۔ پنجابی قوم پرستی دے پھل دار درخت تیار ھون دے نال نال ای پنجابی قوم پرستی دے میدان وچ اگیاں جڑی بوٹیاں تے جھاڑیاں پنجابی لوکائی نوں چنگیاں نئیں لگ رئیاں۔
ایس لئی پنجابی لوکائی نے اے اگیاں ھوئیاں جڑی بوٹیاں تے جھاڑیاں ھن پٹ دینیاں نے۔ ایس کرکے پنجابی قوم پرستی دے میدان وچ ھن پھل دار درخت نظر آیا کرن گے۔ او پھل دار درخت پنجابی قوم پرست لیڈر ھون گے۔
*PNF SINDH*
Comments
Post a Comment