پنجابی نیشنلسٹ فورم دا مستقل بارے پروگرام۔
پنجابی نیشنلسٹ فورم دا مستقل بارے پروگرام۔
پنجابی نیشنلسٹ فورم نوں پاکستان دے ھر ضلع تے تحصیل/ شھر دی سطح تے آرگنائز کیتا جاوے گا۔ ضلع تے تحصیل/شھر دی سطح تے آرگنائز کرن لئی پاکستان دے ھر علاقے وچ پنجابیاں دے سیاسی و سماجی تے معاشی و انتظامی مسئلے وکھ وکھ ھون دے کرکے پہلے ھر علاقے دی مناسبت نال پروگرام تے آرگنائز کرن والی ٹیم چائی دی سی۔
پاکستان دے 8 زون بنا کے انہاں زوناں دا پروگرام وی بنا دتا گیا اے ۔ زونل آرگنائزر وی بن گئے نے۔ ھر زون دی ایگزیکٹو کمیٹی وی بن گئی اے۔
زونل آرگنائزر ھر زون وچ ڈسٹرکٹ دی سطح تے ڈسٹرکٹ ایگزیکٹو کمیٹی بنا رئے نیں .
ڈسٹرکٹ ایگزیکٹو کمیٹی دے میمبراں چوں کارکردگی ' قابلیت تے قیادت دی صلاحیت دے مطابق 2021 وچ ڈسٹرکٹ آرگنائزر بنائے جان گے تے 2022 وچ تحصیل/ شھر دی سطح تے آرگنائزر تے ایگزیکٹو کمیٹی بنائی جائے گی۔ ایس طراں دسمبر 2022 تک پنجابی نیشنلسٹ فورم دی سارے پاکستان وچ تنظیم بن جاووے گی۔ انشاء اللہ
پنجابی نیشنلسٹ فورم وچ علمی صلاحیت والے پنجابیاں نوں زون دی سطح تے۔ مالی وسائل والے پنجابیاں نوں ڈسٹرکٹ دی سطح تے۔ عوامی تعلقات والے پنجابیاں نوں تحصیل/ سٹی دی سطح تے اھمیت دتی جاندی اے۔
جنہاں پنجابیاں کول مالی وسائل تے عوامی تعلقات نہ وی ھون پر علمی صلاحیت دی وجہ نال انہاں پنجابیاں نوں پنجابی نیشنلسٹ فورم دے زونل آرگنائزر تے زونل ایگزیکٹو کمیٹی دا میمبر بنایا گیا اے۔ تاکہ پنجابی قوم پرستی دے پروگرام نوں اپنی علمی صلاحیت نال فائدہ پہنچان۔
جنہاں پنجابیاں کول علمی صلاحیت تے عوامی تعلقات نہ وی ھون پر مالی وسائل دی وجہ نال انہاں پنجابیاں نوں پنجابی نیشنلسٹ فورم دے ڈسٹرک آرگنائزر تے ڈسٹرکٹ دی ایگزیکٹو کمیٹی دا میمبر بنایا جائے گا۔ تاکہ پنجابی قوم پرستی دے پروگرام نوں اپنے مالی وسائل نال فائدہ پہنچان۔
جنہاں پنجابیاں کول علمی صلاحیت تے مالی وسائل نہ وی ھون پر عوامی تعلقات دی وجہ نال انہاں پنجابیاں نوں پنجابی نیشنلسٹ فورم دا تحصیل/ سٹی آرگنائزر تے تحصیل/ سٹی دی ایگزیکٹو کمیٹی دا میمبر بنایا جائے گا۔ تاکہ پنجابی قوم پرستی دے پروگرام نوں اپنے عوامی تعلقات نال فائدہ پہنچان۔
*PNF SINDH*
Comments
Post a Comment