پی این ایف نوں ھن 1000 پنجابی چائیدے نیں۔
پی این ایف نوں ھن 1000 پنجابی چائی دے نے۔
پچھلے 8 سال وچ عام پنجابیاں لئی میں 2 ھزار توں بوھتے مضمون لکھ چھڈے نے۔ مینوں صرف 10 پنجابی ایہو جئے چائی دے سن جیہڑے قومی سطح تے پنجابی قوم دا پروگرام بنان دی صلاحیت رکھدے ھون۔ او مینوں مل گئے تے ھن او پی این ایف (پنجابی نیشنلسٹ فورم) دے زونل آرگنائزر تے سیکشن کوآرڈینیٹر نے تے اپنی اپنی زون / سیکشن وچ پنجابی قوم دے آگو نے۔ انہاں وچ پنجابی قوم پرستی وی اے۔ سیاسی شعور وی اے۔ قیادت دی صلاحیت وی اے۔
100 پنجابی ایہو جئے چائی دے سن جیہڑے قومی سطح تے پنجابی قوم لئی بنے ھوئے پروگرام تے عمل کران دی صلاحیت رکھدے ھون۔ او وی مینوں مل گئے نے تے ھن او پی این ایف (پنجابی نیشنلسٹ فورم) دے زونل ایگزیکٹو کمیٹیاں دے میمبر نے تے اپنی اپنی زون وچ اپنے اپنے زونل آرگنائزر دے بنائے گئے پروگرام تے عمل کرواندے نے۔ انہاں وچ پنجابی قوم پرستی وی اے۔ سیاسی شعور وی اے۔ پروگرام تے عمل کروان دی صلاحیت وی اے۔
ھن 1000 پنجابی ایہو جئے چائی دے نے جیہڑے قومی سطح تے پی این ایف (پنجابی نیشنلسٹ فورم) دے پنجابی قوم لئی بنے ھوئے پروگرام تے اپنی اپنی ڈسٹرکٹ وچ عمل کرن دی صلاحیت رکھدے ھون۔ انہاں نوں ھر زون دا زونل آرگنائزر اپنی اپنی زون وچ ڈسٹرکٹ آرگنائزر یا ڈسٹرکٹ ایگزیکٹو کمیٹی دا میمبر بنائے گا۔
(Shahbaz Arain)
*PNF SINDH*
Comments
Post a Comment