پنجابیاں دی سیاسی ناکامی دا کارن ..

پنجابیاں نوں آپنی قابلیت ، اہلیت، ملن ورتن تے جان پچھان دے حساب نال سیاسی سماجی معاشی عمل تے محنت کرنی چائیدی اے .

ھر بندے دا ملن ورتن کم کاج تن طراں دا ھوندا اے

۱. محدود یاں چھوٹا جیا

۲. درمیانہ (وچکارلا) 

۳.وسیع یاں وڈا 

چھوٹا، نکا جیا یاں محدود، گلی محلے یوسی یاں پنڈ تھاں موضع تائیں.

وچکارلا یاں درمیانی ،ڈویژن ضلع یاں تحصیل تائیں

وسیع یاں وڈی لیول، دوجے ملکاں تائیں یاں انٹرنیشنل ، پورے ملک یاں صوبائی لیول تائیں  

پنجابیاں دا مسئلہ اے وے؛ 

کہ آپنی قابلیت، اہلیت، ملن ورتن، میل ملاپ تے کم کاج سیاسی سوچ توں ودھ کے آپنے آپ نوں گنڈھ لیندے یاں پھسا لیندے نیں ایس طراں آپنے کم کاج گھر بار ملن ورتن سب خراب کر لیندے نیں تے آپ پریشان ھو کے آپنے نال جڑے سب لوکاں نوں وی پریشان کردے نیں جے آپنی قابلیت کم کاج ملن ورتن دے حساب نال سیاسی سماجی تے کاروباری کم کردے تے ستے خیراں ھوندیاں ..  

دوجا اے کہ؛

 سیاسی شعور نوں ویکھ کے یاں آزما کے کسے آگو یاں لیڈر پچھے چلن دی بجائے مالدار ساہوکار وڈے عہدے یاں یاری دوستی برادری رشتے داری دے کرکے سیاسی عمل وچ گنڈھے جاندے نیں جیس کرکے آپ تے ناکام ھوندے ای نیں نال دوجیاں دا وی کم لاہ دیندے نیں ، کاروبار برادری رشتے داری دوستی یاری سب الٹ پلٹ ھو جاندے نیں 

جے سیاسی شعور ویکھن تے ازمان توں باد سیاسی آگو بناندے تے سیاست کردے تے سیاسی سماجی کاروباری گھر بار دوست یار سب کامیاب ھوندے تے دوجے وی خوش ھوندے ..

*PNF SINDH*