«پی این ایف ۲۰۲۳ توں عوامی سطح تے کم شروع کرے گا, ان شاء الله»
«پی این ایف ۲۰۲۳ توں عوامی سطح تے کم شروع کرے گا, ان شاء الله»
پارٹی یاں جماعت بنان دے کم دے, گھر یاں مکان بنان وانگ ۴ بنیادی حصے ھوندے نیں جہڑے ضروری تے اوکھے وی نیں .......
۱۔ سب توں پہلاں "پلاٹ" لینا .
۲۔ دوجے نمبر تے نیہاں پٹ کے "بنیاد" کھڑی کرنا.
۳۔ تیجا "کنداں" کھڑیاں کرنا ۔
۴۔ چوتھا "چھت" پانا۔
ایس توں باد اوکھے سوکھے گھر دے باقی کم وی ھو ای جاندے نیں ، جداں
۱۔ "پلستر"
۲۔ "دروازے"
۳۔ "رنگ"
پی این ایف دی ایس ویلے دی صورت حال اے وے کہ؛
۱۔ پی این ایف دا پلاٹ یعنی "بیانیہ" ۲۰۰۰ توں ودھ آرٹیکل یاں مضموناں تے "منشور ، دستور" دی شکل وچ موجود اے۔
۲۔ پی این ایف دی نیھ یاں بنیاد یعنی "تنظیمی اسٹرکچر" سارے پاکستان وچ ۸ زوناں دے روپ وچ موجود اے ،جد کہ ۶ سیکشن وی نیں ، جنہاں دے آرگنائزر تے سیکشن کوآرڈینیٹر بنا دتے گئے نیں ۔
۳۔ پی این ایف دی ۱۰ رکنی ایگزیکٹو کمیٹی ہر زون وچ موجود اے ، اے کمیٹیاں پی این ایف دیاں "کندھاں" نیں۔
۴۔ ھن پاکستان دے ۱۰۰ توں ودھ ضلعیاں وچّ ڈسٹرکٹ ایگزیکٹو کمیٹی دے ممبر بنائے جا رئے نیں ، اے پی این ایف دی "چھت" بنن گے۔
دھیان جوگ : پی این ایف دا پلاٹ یعنی "بیانیہ" شاندار اے ، نیھ یعنی "تنظیمی اسٹرکچر" مضبوط اے ، کندھاں یعنی "ایگزیکٹو کمیٹی" ودھیا تے شاندار اے ھن چھت یعنی "ڈسٹرکٹ ایگزیکٹو کمیٹی" وی بوہت ودھیا بنائی جا رئی اے .
پی این ایف دے بنن دے اوکھے کم ھو چکے نیں ایس لئی پی این ایف دی تشکیل پوری کرن لئی ؛
۱۔ کارگزاری ، قابلیت تے قیادت دی صلاحیت دی شرط تے ۲۰۲۱ وچ ھر ڈسٹرکٹ ایگزیکٹو کمیٹی دے ۱۰ ممبراں وچوں "ڈسٹرکٹ آرگنائزر" بنائے جان گے او پی این ایف دا پلستر ھون گے۔
۲۔ تحصیل یاں تعلقہ دی ایگزیکٹو کمیٹی تے "تحصیل آرگنائزر" ۲۰۲۲ وچ بنائے جان گے او پی این ایف دے بوہے یاں دروازے ھون گے۔
۳۔ جدکہ ۲۰۲۳ وچ پی این ایف ولوں جنتا یاں عوامی سطح تے کم شروع کرن لئی آپنے "دفتر" بنائے جان گے او پی این ایف دا رنگ روغن ھون
گے ،
ان شاء الله..
*PNF SINDH*
Comments
Post a Comment