قوم پرست اپنی قوم دا سیاسی شعور ودھان دے نال ...
قوم پرست اپنی قوم دا سیاسی شعور ودھان دے نال نال قوم دے حقاں دا دفاع کرن آلی سوچ نوں جگان ، قوم دی زبان ، قوم دی تہذیب ، قوم دی ثقافت ' قوم دی زمین دے نال محبت دا جذبہ رکھدا تے دوجیاں وچ ودھان دی کوشش تے محنت وی کردا اے تے ایس کم دے لئی آپنے آپ نوں وقف کر دیندا اے۔
ایس لئی اک قوم پرست نوں آپنی قوم دی طاقت، زبان، واج تے مان آکھیا جا سکدا اے.
پنجابی نیشنلسٹ فورم دے سب ممبر آپنے آپنے زون دے پنجابیاں دا شعور ودھان لئی بہترین کم کر رئے نیں .
آپنے آپنے زون دے وچ رہن آلے پنجابیاں دی پریشانیاں ، مسئلے تے اونھاں دے حل نوں سمجھ رئے نیں.
پی این ایف سندھ آپنے زون دے پنجابیاں دے مسئلے مصیبتاں پریشانیاں دا کارن تے اونھاں دے حل لبھن لئی پوری کوشش کر رئی اے ، سندھ زون دے پنجابیاں نوں مسئلے دا کارن سمجھن تے اونھوں ختم کرن لئی اک مٹھ ھو کے آپنے مسلکی سیاسی تے برادری دے مفاداں نوں اک پاسے رکھنا پوے گا .
سندھ واسی پنجابی آپنا قومی تے سیاسی شعور ودھان تے پی این ایف دے بانھ بیلی بنن .
سندھ دے پنجابیاں نوں بنتی اے کہ او آپنے آپنے ضلع تحصیل ٹاؤن تے گوٹھ دے پنجابیاں دیاں پریشانیاں ظلم زیادتی تے نا انصافی دی خبر پہلی فرصت وچ پی این ایف نوں دیا کرن، ایس مقصد لئی فون فیس بک ، واٹس ایپ سمیت سوشل میڈیا دا کوئی وی دستیاب رابطہ ورتیا جا سکدا اے ، ایس توں علاوہ جہڑے سندھ دے پنجابی آپنے آپنے ضلع تحصیل ٹاؤن تے گوٹھاں وچ رہن آلے پنجابیاں نوں قومی تے سیاسی شعور دے سکدے نیں او اے کم ویلہ کڈ کے ضرور کرن آپنے ھم خیال لوکاں دیاں ٹیماں بنان اک مٹھ ھونا ای کامیابی دی کنجی اے .
شعور بیدار کیتے بغیر پنجابیاں نوں کٹھے کرکے کم کرنا ایداں ای اے جیویں "پانی وچ مدھانی" پھیرنا ، اے وی خیال رکھنا ضروری اے کہ؛ ھر بندے دا شعور بیدار نئیں کیتا جاسکدا، وجہ اے وے کہ؛ جیویں دودھ وچ لسی بوھتی تے مکھن گھٹ ھوندا اے۔ انج ای قوم دے لوکاں وچ وی بے شعور بوھتے تے شعور والے گھٹ ھوندے نیں ، شعور والے دا تے شعور بیدار کیتا جاسکدا اے پر جیس کول شعور ای نہ ھووے اوس دا شعور کنج بیدار کیتا جاسکدا اے؟
ایس لئی جہڑے بندے وچ ایہو جیا شعور ناں ھووے اوھدے تے ویلہ خراب کرن دی بجائے اونھوں پیار نال ٹال دینا چائیدا اے .
پنجابی نیشنلسٹ فورم سندھ دے ممبراں نوں چائیدا اے کہ؛ بے شعوراں تے ویلہ خراب کرن دی بجائے ، شعور تے ولولہ رکھن آلے پنجابی لبھیا تے اونھاں تے محنت کرکے اک پکا سچا قوم پرست بنان ، تے بے شعوراں نوں محبت نال ٹال دیا کرن۔
*PNF SINDH*
Comments
Post a Comment