پنجرے وچ ڈکیا ھویا پکھی اوڈاری مارنا بھل جاندا اے ھندی دے شاہ مکھی ورژن اردو اسلام پاکستان دے پنجرے وچ تڑے ھوئے پنجابی وی آپنی اصل پچھان بھل گئے نیں
جیس طراں کسے پکھی پکھیرو نوں جے لمے ویلے لئی پنجرے وچ ڈک کے رکھو تے او اوڈاری مارنا بھل جاندا اے،
اوسے طراں مسلسل ذہنی یاں جسمانی غلامی وچ رہن آلیاں قوماں اصل آزادی دی پچھان بھل جاندیاں نیں ،
اج پنجابی پاکستان وچ آپنے حقاں دی پچھان وی بھل گئے نیں ،
ماں بولی پنجابی دی بیقدری ھووے،
پنجابی ثقافت دی بربادی ھووے،
پنجابیاں دی دوجے صوبیاں وچ نسل کشی ھووے یاں جائیداداں ساریاں جان یاں قبضے ھون ڈرا کے صوبہ بدر کیتے جان ،
پنجابیاں دے حق مارے جا رئے ھون ،
پنجابیاں نوں گالاں کڈیاں جان چور ڈاکو غاصب آکھیا جاوے ،
ھندی دے شاہ مکھی ؤرژن اردو ، اسلام ، پاکستان تے وڈے بھرا دے چورن وچ تڑے ھوئے پنجابیاں تے ایہدا کوئی اثر نئیں ھوندا.
جد تائیں پنجابی ایس پنجرے نوں نئیں توڑن گے اصل پنجابی نئیں بنن گے آپنی ماں بولی نوں اوھدا اصل مقام نئیں دین گے ناں پنجابی تے پنجاب دا کوئی بھلا ھونا اے ناں پاکستان دا تے ناں ای انڈس سولائزیشن دیاں قوماں دا کوئی بھلا ھونا تے ناں اسلام دا .
مضبوط پنجاب تے پنجابی ای ایس پورے خطے ، پاکستان تے اسلام نوں مضبوط بنا سکدا اے ناں کہ اوپرے نظرئیے ،زبان ، وڈے بھرا دے چورن تے ٹھیکے وچ تڑیا ھویا پنجاب تے پنجابی .
*افضل پنجابی*
*PNF SINDH*
Comments
Post a Comment