آپنی صلاحیت تے زور پہچانو ..

 شیر تے شارک دویں ماہر شکاری نیں پر شیر سمندر وچ شکار نئیں کرسکدا تے شارک پانی توں بار شکار نئیں کر سکدی ،

شیر نوں سمندر وچ پانی تھلے شکار ناں کر سکن دے کارن نکمہ نئیں آکھیا جا سکدا تے شارک نوں جنگل وچ شکار ناں کر سکن دے کارن ناکارہ تے فضول نئیں آکھیا جا سکدا۔

دوناں دیاں آپنیاں آپنیاں حداں نیں جتھے دے او بہترین شکاری تے کھڈاری نیں۔

جے گلاب دی خوشبو ٹماٹر توں چنگی اے تے ایس دا اے مطلب اے نئیں کہ اینوں سالن پکان چ وی ورتیا جا سکدا اے .

اک نوں دوجے نال جوڑ کے ناں ویکھو ،

تہاڈا آپنا اک زور تے خاصیت اے اونھوں لبھو تے اوس دے مطابق آپنے آپ نوں تیار کرو .

کدی وی آپنے آپ نوں مندا یاں ماڑا ناں سمجھو تے ایس گل تے دھیان پکا کرو کہ تسیں بہترین او .

یاد رکھو ٹوٹیا بھجیا ھویا رنگ آلا قلم  وی رنگ پرھن دے کم آ سکدا اے .

کدی وی آپنا جوڑ( موازنہ )دوجیاں نال ناں کرو آپنی دوڑ آپنی اسپیڈ نال پوری کرو .

جہڑے طریقے نال کوئی دوجہ کامیاب ھویا ضروری نئیں کہ او تہاڈی کامیابی دا کارن وی بنے .

رب سوہنے دی دتیاں ھویاں نعمتاں تے صلاحیتاں تے نظر رکھو کے تے اونھاں نعمتاں تے صلاحیتاں لئی حسد کرن توں باز تے مڑے روو جہڑیاں ربّ سوہنے نیں دوجیاں نوں دتیاں نیں .

پی این ایف ( PNF ) ماں بولی پنجابی دی بیقدری ، پاکستان سمیت پوری دنیا دے پنجابیاں دیاں مشکلاں، مصیبتاں تے پنجابیاں نال ھون آلیاں نا انصافیاں لئی اک انٹلیکچول جنگ لڑ رئی اے ، ماں بولی پنجابی تے پنجابیاں لئی دکھی تے خدمت دا جذبہ رکھن آلے پوری دنیا دے پنجابی (PNF) دے بانھ بیلی بنن تے ربّ سوہنے دی دتی ھوئی صلاحیت تے طاقت آپنی قوم تے ماں بولی لئی ورتن ، 

پی این ایف سندھ (PNF SINDH) نوں ٹوئیٹر ، بلاگ ، فیس بک ، واٹس ایپ ، کلچر ، قنون انصاف ، یونیورسٹی کالجاں دے طالب علماں لئی کو آرڈینیٹراں ڈسٹرکٹ لیول تے کم کرن آلیاں دی لوڑ اے ، سندھ دے پنجابیاں لئی رب سوہنے دی عطا کیتیاں صلاحیتاں تے قوتاں نوں قوم دی فلاح دے عظیم مقصد لئی ورتو تے ( PNF SINDH ) دے بانھ بیلی تے طاقت بنو ان شاء اللہ پنجابی پاکستان نوں عظیم ملک بنان گے .

*PNF SINDH*.