جناح تے لیاقت علی خان نوں خورے تریخ تے جعغرافیہ دا پورا علم نئیں سی
جناح تے لیاقت علی خان جے تریخ تے جعغرافیہ نوں چنگی طراں جاندے تے پنجاب دی ونڈ تے کشمیر دا مسئلہ پیدا ای ناں ھوندا ،
ایناں دوواں نوں خورے آپنے عملاں دا اندازہ ای نئیں سی کہ ایہدا تریخ تے جغرافیہ تے کنا برا تے خونی اثر ھووے گا.
جے اے دوویں لیڈر سیاست تریخ تے جغرافیہ بارے صحیح جانکاری رکھدے تے ھندوستان دی ونڈ چوھدری رحمت دے فارمولے مطابق دو نئیں چار ملکاں تے ھوندی ،
ولبھ پٹیل دی حیدرآباد دکن تے جوناگڑھ بدلے کشمیر تے پورا پنجاب آلی آفر من لین نال اج کشمیر تے پورا پنجاب پاکستان کول ھوندا ، ناں سن پنجاہ توں باد یو پی سی پی چوں لکھاں لوک لیائے جاندے ناں عصبیت لسانیت نفرت دی اگ ہزاراں لوکاں دی جان لیندی ، ناں اپنا قبضہ پکا کرن لئی اسٹیبلشمنٹ تے آرمی دے وڈے عہدیاں تے یو پی سی پی آلیاں تے پٹھاناں دا قبضہ ھوندا ناں غیرفطری طور ھندی دا شاہ مکھی ورژن اردو ایس خطے دے لوکاں اتے زبردستی مڑھیا جاندا ،
ستر سال دی تریخ نیں ایناں دوواں لیڈراں دے اندازے تے عمل غلط ثابت کیتے نیں .
ھلے وی جے ٹٹے پجے تباہ ھوندے پاکستان نوں بچانا اے تے سیاسی سماجی معاشی اصولاں تے عمل کر دیاں ھویاں انڈس سولائزیشن دیاں قوماں جہڑیاں پاکستان دی آبادی دا پچاسی(85) فیصد نیں نوں حق اقتدار اختیار تے اونھاں دیاں ماں بولیاں(پنجابی، سندھی براہوی تے باقی زباناں) نوں اصل تے جائز تھاں دینی پئے گی .
*افضل پنجابی*
*PNF SINDH*
Comments
Post a Comment