بابا بلھے شاہ دی موت توں باد اوھدے نماز جنازہ پڑھن تے دفن کرن توں روکن آلے ناں دے مسلمان ملاں تے چودھریاں نوں اج کوئی نئیں جاندا ، پر بابا بلھا شاہ اج وی لوکاں دے دلاں تے آپنی شاعری وچ زندہ اے. *افضل پنجابی*
بلھے شاہ نوں کافر کہہ کے اوس ویلے دے دین فروش مولویاں تے انگریز دے کتا پالو چودھریاں تے جاگیرداراں نیں جنازے دی نماز پڑھن تے دفنان تے فتوی لا دتا کہ بابا بلھے دا جنازہ پڑھاون آلے دا نکاح مک جائے گا جے کوئی کنوارہ پڑھائے گا تے اوھدا مسلمان زنانی نال نکاح نئیں ھو سکے گا مطلب کہ بابے بلھے دا جنازہ پڑھان تے پڑھن آلے سب اسلام توں بار .
اوس ویلے دے ناں دے مسلماناں بابا بلھے نوں آپنے قبرستان وچ دفن نئیں ھون دتا .
اک خسرے نیں بلھے شاہ دا جنازہ پڑھایا تے چرسی مست ملنگ ٹائپ لوکاں پڑھیا تے آپنے موڈھیاں تے چک کے قصور توں دو کوہ دور دفنا آئے .
'سر تے ٹوپی ، تیری نیت کھوٹی،
کی لینا سر ٹوپی ترھ کے،
تسبیح پھیری پر دل ناں پھیریا،
کی لینا ہتھ تسبیح پھڑکے'
بلھے شاہ دی گمنام قبر دے آلے دوالے شھر قصور ودھ دا گیا ، اج او شھر بابا بلھے دا شھر اکھواندا اے .
او فتوی لان آلے ملاں کہڑے سن جہڑے اوھدا جنازہ پڑھن توں انکاری سن او چوھدری کہڑے سن جنہاں بابے دی لاش نوں قبرستان وچ دفن نئیں ھون دتا کوئی نئیں جاندا پر بابا بلھے شاہ اج وی آپنی بے مثال صوفی شاعری نال جیوندا اے آپنی شاعری وچ بابا بلھے شاہ اج وی جیوندا اے تے بولدا اے ، تے جد تائیں پنجابی باقی نیں بولدا روے گا،
'بلھیا اسیں مرنا ناہی
گور پیا کوئی ہور'.
*افضل پنجابی*
*PNF SINDH*
Comments
Post a Comment