Afzal Punjabi

 ۲۵ فروری ۱۹۴۸ پلٹن گراؤنڈ ڈھاکہ وچ گورنر جنرل پاکستان محمد علی جناح ھوراں دا انگریزی وچ بولدیاں اردو نوں سرکاری بولی بنان دا اعلان ، جہڑا بنگلہ دیش بنن دا مڈھ بنیا.. ایس جلسے وچ ای بنگالیاں ولوں ایس فیصلے دی زبردست مخالفت تے غصے دا اظہار کیتا گیا تے احتجاج وچ کئی بنگالیاں دیاں جاناں وی گئیاں ،  سوال اے پیدا ھوندا اے کہ؛ ۱.گورنر جنرل نیں پاکستان وچ اوس ویلے موجود صرف %۱ ھندی/اردو بولن والیاں دی زبان نوں ایداں سرکاری زبان طور باقی %۹۹ پرسنٹ بنگالی پنجابی سندھی براہوی پشتون بلوچ سمیت ۱۳ قوماں تے مڑھن دا غیر دانشمندانہ، غیر سیاسی تے غیر مقبول فیصلہ کیوں کیتا ؟؟؟ ۲.محمد علی جناح توں باد آن والیاں نیں ایس فیصلے نوں ختم کرن دی بجائے پاکستان ٹٹ کے دو ٹکڑے ھونا کیوں قبول کیتا ؟؟؟ ۳. پنجاب اردو دا سبھ توں وڈا نشانہ سی اوتھوں ایس زبردستی خلاف کیوں ردعمل نئیں آیا ؟؟؟ ۴.کدرے ۱۹۶۲ توں پنجابی دے لہجیاں نوں زباناں بنان تے پنجاب دے ٹکڑے کرکے پنجاب پنجابی نوں کمزور تر کرن دے سرکاری/اسٹیبلشمنٹ دے پلان دا اردو دے زبردستی نفاذ نال کوئی تعلق تے نئیں ؟؟؟ ۵.کی سرائیکی توں باد پوٹھوہاری نوں الگ زبان...

 پنجاب%۶۰ فیصد انکم ٹیکس جمع کراندا اے تے اسلام آباد 5% فیصد ، اے دوویں ملا کے پاکستان دا ٹوٹل %۶۵ انکم ٹیکس پنجاب وچوں جمع ھوندا اے  یعنی کل انکم ٹیکس دا %۶۵ پنجاب وچوں جمع ھوندا اے جیدے وچوں پنجاب نوں پنجاہ فیصد وی نئیں مل دا . سندھ توں ٹیکس کلیکشن ۲۷% ،  پختونخوا سے %۶، بلوچستان توں صرف %۲ اے ... بلوچستان کے پی کے نوں ابادی دے تناسب نال سبھ توں ودھ پنجاب دا حق مار کے گرانٹ دتی جاندی اے ، پر پنجاب پنجابی خلاف نفرت پروپیگنڈہ وی ایناں صوبیاں ولوں کیتا جاندا اے تے پنجابیاں دی جان مال وی ایناں دوواں صوبیاں وچ غیر محفوظ اے ... اے معاشی حقائق تے رکارڈ اے کسے پنجابی قوم پرست یاں سیاستدان دا بیان نئیں ۔ #PGFInt *پنجابی گریجویٹس فورم انٹرنیشنل.PGFInt*

 پنجابیو کی تسیں ایس گل تے غور کیتا کہ ،  کئی دینی تحریکاں / جماعتاں پچھلے ۳۰ , ۴۰ سالاں توں دین بارے زور و شور نال کم کر رئیاں نیں ،فیر پچھلے ۴۰ سالاں وچ ایناں نوں پنجابی وچ قرآن دے ترجمے تے پنجابی وچ تبلیغ دا خیال کیوں نئیں آیا ؟؟؟ ایس لئی کہ پاکستان بنن توں باد پنجاب تے پنجابی نیں اردو مافیا دی لسانی ادبی ثقافتی دہشت گردی کر دیاں سرکاری سرپرستی وچ پنجابی بارے ایس پروپیگنڈے کہ؛  "پنجابی پیڈواں جاہلاں تے ان پڑھاں دی اے تے اردو پڑھے لکھے تلیم یافتہ لوکاں دی زبان اے" وچ آکے آپنی ماں بولی تے رہتل نوں آپ ای مار مکان وچ کوئی کسر نئیں چھڈی ،  پنجابی قوم پرستاں دی پچھلے کئی سالاں دی انتھکّ محنت دے کرکے پنجابی قوم وچ آپنی ماں بولی رہتل تے قوم لئی ودھدے شعور نیں ایناں مذہبی جماعتاں نوں وی مجبور کر دتا کہ او پنجابی زبان نوں اھمیت دین ، پنجابیو جے آپنے حق تے آپنی ماں بولی رہتل نوں پوری طراں زندگی دے ہر شعبے وچ واپس لیانا چاہندے او تے فیر ہر تھاں پنجابی وچ گل کریا کرو ، گھر دفتر اسکول کالج یونیورسٹیاں شاپنگ مال دکاناں سرکاری دفتراں موبائل کمپنی دی ہیلپ لائن یاں آن لائن کسے وی ق...

 ساڈا حق ایتھے رکھ  آپنا نظریہ  آپنے کول رکھ .. #PGFInt

 دنياں لڑ کے جیون دا مدان اے جتھے صالح تے مضبوط قوماں ای زندہ رہ سکدیاں نیں ، جہڑیاں قوماں آپنے قومی وجود ، ماں بولی تے رہتل دے بقاء لئی مزاحمت نئیں کر دیاں اونھاں دا کسے وی خطے وچ وجود باقی نئیں رہندا ، پاکستان دے پنجابی جے اج وی نئیں جاگے تے فیر آپنی تے آن والیاں نسلاں دی مکمل بربادی لئی تیار رہن.. +++++++++++++++++++++++++++++++++++++ دنيا وڙھي جيئڻ جو ميدان آھي، جتي صرف صالح ۽ مضبوط قومون ئي زنده رھي سگھن ٿيون جيڪي قومون پنھنجي قومي وجود جي بقاءَ ۽ مادري ٻوليءَ لاء قومي مزاحمت نٿيون ڪن انھن جو ڪنھن به خطي ۾ قومي وجود باقي ناھي بچندو ..  پاڪستان جا پنجابي جي اج به سجاگ نه ٿيا ته پوء پنھنجي مڪمل برباديءَ لاءِ تيار رهڻ .. *پنجابی گریجویٹس فورم انٹرنیشنل.PGFInt*

 ۱۹۳۷ دے الیکشناں دے رزلٹ ویکھو تے اندازہ کرو اج جہڑے پاکستان دے مامے بن دے نیں کہ؛  ««ھمارے بڑوں نے پاکستان بڑی قربانیاں دے کر بنایا»» او اے دسن کہ یوپی سی پی دے کروڑاں مسلماناں ۱۹۳۷ وچ مسلم لیگ نوں ووٹ کیوں نئیں دتا ؟؟؟ پنجاب ( صوبہ سرحد سمیت ), سندھ, بلوچستان تے مسلم اکثریتی علاقے سن تے ایتھے حکومتاں وی مسلمان بناندے سن سپت سندھو دے مسلماناں دا مسلم لیگ نوں ووٹ نئیں دینا تے ایس خطے دیاں جماعتاں نوں ووٹ دینا تے سمجھ آندا اے ،  پر یوپی سی پی آلے جہڑے مسلم لیگ تے تحریک پاکستان دے وڈے ٹھکیدار بن دے نیں اونھاں ۱۹۳۷ وچ تحریک پاکستان تے مسلم لیگ نوں کیوں نئیں دتا ؟؟؟؟ صاف گل اے انگریز نیں پاکستان آپنے مفاداں دےتحفظ لئی بنایا تے ۱۹۳۷ دے الیکشناں باد مسلم لیگ تے تحریک پاکستان ہائی جیک کرکے آپنے غلام وظیفہ خور کتے نہواؤ غلاماں نوں ایس سرزمین سپت سندھو دے وارثاں تے بطور حکمران مڑھ گئے ... #PGFInt *پنجابی گریجویٹس فورم انٹرنیشنل.PGFInt*

 سیاسی علم تے سیاسی تجربے توں بغیر قوم دا آگو بنن یاں بناں دا قوم تے آپنی ذات نوں کی نقصان ھوندا اے ؟؟؟؟ جیہڑا بندہ سیاسی علم تے سیاسی تجربے توں بغیر قوم دا آگو بنے یاں بنا دتا جائے او بندہ آپنے علاقے تے قوم دی بربادی ای لیائے گا۔  پنجاب دی ونڈ ویلے سیاسی سوچ دے بجائے مذہبی جذبات دی بنیاد تے ماسٹر تارا سنگھ سکھ پنجابیاں دے آگو بنے ھوئے سن ، ماسٹر تارا سنگھ نے سیاسی شعور نہ ھون دے کرکے سکھ پنجابیاں نال او ہتھ کیتا کہ سکھ پنجابی اج تائیں اوھدے نتیجے پگھت رئے نیں . ایہو ای حال مسلمان پنجابیاں ھویا مذہب دے ناں تے ایناں نوں ماموں بنا کے ویح لکھ(۲۰ لکھ) پنجابیاں دے خون تے پنجاب ونڈ دتا گیا اردو مسلط کر دتی گئی . سیاست اک کھیڈ اے تے شطرنج ورگی اے ، ایس کھیڈ وچ شطرنج وانگ ھر مہرے دی چال وکھری ھوندی اے ،اے کھیڈ گلی محلے توں لے صوبائی ملکی تے عالمی سطح تے کھیڈیا جاندا اے قومی سطح دی سیاست دا کھیڈ قوماں نوں بنا وی دیندا اے تے برباد وی کر دیندا اے ،  ایس لئی سیاسی علم تے سیاسی تجربے توں بغیر پنجابی زبان تے پنجابی ثقافت لئی کم کرن والے پنجابی لکھاری ' پنجابی شاعر ؛  1۔ پنجابی ز...