اک پرانے پنجابی سیوک دی کوک
میرے پیارے ویرو ! میری، دل دے چاواں نال دعا وے کہ " تواڈھی تے تواڈھے ساتھیاں دی سوچ، جلد توں جلد حقیقت بنے " اینوں اگے ودھون لئی میرے تجربے دیاں تھوڑیاں کوڑیاں تے کسیلیاں سن لئیو، پر مینوں سامنے موجود نالے اپنے نال سمجھ کے ۔۔۔۔۔۔ شاعر کہہ گیا اے کہ ۔۔۔۔۔ " عمل سے زندگی بنتی ھے ۔۔۔ " سوکھے لفظاں وچ " عمل (رتے لہو دے خراج) نال ای بن دیاں نیں قوماں" منافقاں تے پنجابی ماراں نوں روز روز ازمانا، دانائی نئیں۔ ساڈے متر صبح اک سوچ نال لوڈے ویلے دوجے نال تے سورج ڈب دیاں تیجے " ھنیری راھواں دے پنجھیاں نال" کی گلاں ساڈے متراں دیاں ۔۔۔ اسیں اج وی کھسریاں کولوں پتر دی اڈیک لائی بیٹھے آں . دھرتی ماں، آپنی بقا تے وقار لئی لہو منگ دی اے، دھرتی ماں دی پچھان قائم رکھن لئی پنجاب دیاں ریتاں عادتاں تےثقافت (Culture) نوں زندہ تے اچی شان دا رکھن واسطے (شملا سداں اچاں رکھن لئی) گوڑے تے رتے لہو دا خراج ضروری اے۔ میرا ایس گل تے پکا یقین اے" لتاں دے بھوت گلاں باتاں نال نئیں من دے " تحریکاں کدی وی اج دا کم کل تے چھڈن دی نال نئیں کامیاب ھوندیاں۔ سیانیاں دا آک...