Afzal Punjabi

 رامائن ، مہا بھارت تے کجھ ھور سنسکرت کتاباں وچ پنجاب لئی پنجند دا لفظ ورتیا گیا ھے  اشٹادھیائی جیہڑی پاننی دی تخلیق تے سنسکرت گرامر دی پہلی کتاب اے دی شرح کردیاں ایس سی واسو نے کونن دے حوالے نال کردیاں ہوئیآں دسیا ھے کہ فلاں گرامر دا اصول پنجاب تے لاگو نہیں ھوندا ۔ کونن کدوں جیوندا سی ؟ تاریخ چپ اے ۔  کتھا سرت ساگر ۔ ایہہ کتاب کشمیری پنڈت سوم دیو نے 12 ویں صدی وچ لکھی ایس دی کہانی نمبر 12 دی 5 ویں ترنگ وچ پنجاب لئی پنجاب دا لفظ ورتیا گیا ھے ۔ شاہ نعمت اللہ ولی دیاں پیشین گوئیاں مشہور ہین پنجاب بارے کجھ شعر ویکھو : از قلب پنج آبے خارج شوند ناری  قبضہ کنند مسلم ، بر ملک غاصبانہ  ایہ پیشین گوئیاں شاہ نعمت اللہ ولی نے 1152 وچ کیتیاں سن ۔  شہاب الدین غوری نے 1193 وچ ہندوستان دے ہندو راجیاں نوں اک چٹھی وچ لکھیا " باشما صلح کنیم کہ سرہند ، پنجاب و ملتان با ما باشد و باقی ممالک ہندوستان باشما " ایہہ الفاظ تاریخ فرشتہ وچ لکھے گئے ہن ایویں جاپدا اے کہ ایہ شہاب الدین غوری دے اپنے الفاظ ہین ۔  فرشتہ دی تاریخ پیدائش 1552 ھے ۔  طبقاتِ ناصری منہاج السراج 1266 ...

 پنجابیاں دے قومی سیاسی شعور تے قوم دے درد دا اے حال وے کہ ؛  سانگھڑ وچ اک سندھ دے پنجابی خاندان دی بیٹی تشدد کرکے قتل کر دتی گئی 36 گھنٹیاں توں ودھ ویلہ لنگھ گیا پنجابی دے ناں تے سیاست کرن والیاں ولوں کوئی منظم واج سوشل پرنٹ  ..الیکٹرانک میڈیا تے نئیں نظر آئی ، افسوس پنجابی گریجویٹس فورم انٹرنیشنل  #PGFInt 

 شیر تے شارک دوویں ماہر شکاری نیں پر شیر سمندر وچ شکار نئیں کرسکدا تے شارک پانی توں بار شکار نئیں کر سکدی ، شیر نوں سمندر وچ پانی تھلے شکار ناں کر سکن دے کارن نکمہ نئیں آکھیا جا سکدا تے شارک نوں جنگل وچ شکار ناں کر سکن دے کارن ناکارہ تے فضول نئیں آکھیا جا سکدا۔ دوناں دیاں آپنیاں آپنیاں حداں نیں جتھے دے او بہترین شکاری تے کھڈاری نیں۔ جے گلاب دی خوشبو ٹماٹر توں چنگی اے تے ایس دا اے مطلب اے نئیں کہ اینوں سالن پکان لئی وی ورتیا جا سکدا اے . اک نوں دوجے نال جوڑ کے نئیں ویکھنا چائیدا ، تہاڈا آپنا اک زور تے خاصیت اے اونھوں لبھو تے اوس دے مطابق آپنے آپ نوں تیار کرو . کدی وی آپنے آپ نوں مندا یاں ماڑا ناں سمجھو تے ایس گل تے دھیان پکا کرو کہ تسیں بہترین او . یاد رکھو ٹٹا پجھیا ھویا پین/قلم وی رنگ بھرن دے کم آ سکدا اے . کدی وی آپنا جوڑ( موازنہ )دوجیاں نال ناں کرو آپنی دوڑ آپنی اسپیڈ نال پوری کرو . جہڑے طریقے نال کوئی دوجہ کامیاب ھویا ضروری نئیں کہ او تہاڈی کامیابی دا وی ھووے . رب سوہنے دی دتیاں ھویاں نعمتاں تے صلاحیتاں تے نظر رکھو کے تے اونھاں نعمتاں تے صلاحیتاں لئی حسد کرن توں باز تے مڑے روو...